عىلىم جانە جوعارى ءبىلىم ءمينيسترى قازاقستاندىقتارعا بىرىڭعاي ساعات بەلدەۋىنىڭ اسەرى تۋرالى زەرتتەۋ جايىندا ايتتى، دەپ حابارلايدى “ادىرنا” ۇلتتىق پورتالى Tengrinews.kz-كە سىلتەپ.
ساياسات نۇربەكتىڭ ايتۋىنشا، قازاقستان رەسپۋبليكاسىنىڭ دەنساۋلىق ساقتاۋ مينيسترلىگى قازاقستاندىقتارعا بىرىڭعاي ساعات بەلدەۋىنىڭ اسەرىن زەرتتەۋ بويىنشا ارنايى عىلىمي زەرتتەۋ جۇرگىزۋ تۋرالى ءوتىنىم بەرگەن. زەرتتەۋ ءۇشىن ەلدىڭ جەتەكشى ينستيتۋتتارى تارتىلاتىن بولادى.
«ءبىز جەتەكشى ينستيتۋتتاردى، سونىڭ ىشىندە گەوگرافيا ينستيتۋتىن، سونداي-اق فيزيولوگيالىق جانە مەديتسينالىق اسپەكتىلەرىن زەرتتەيتىن دەنساۋلىق ساقتاۋ مينيسترلىگىنىڭ ينستيتۋتتارىن تارتۋدى جوسپارلاپ وتىرمىز. جاقىن ارادا جوعارى عىلىمي-تەحنيكالىق كوميسسيا وتىرىس وتكىزىپ، ءبىز وسى تاقىرىپتى تانىستىرامىز. ەگەر ماقۇلدانسا، بىردەن كونكۋرس جاريالاپ، زەرتتەۋگە كىرىسەمىز»، - دەپ جاۋاپ بەردى مينيستر.
زەرتتەۋ جۇرگىزۋ ءۇشىن قانشا قاراجات قاجەت بولاتىنىن مينيستر ناقتى ايتا المادى.
بىراق «ءوتىنىم كەلىپ تۇسكەنىن» ايتىپ، سوماسىن «قوسىمشا ناقتىلايتىنىن» جەتكىزدى.
