جەتىسۋ وبلىسىنداعى جاركەنت گارنيزونى اسكەري بولىمدەرىنىڭ ءبىرىنىڭ وفيتسەرى قايتىس بولدى، دەپ حابارلايدى "ادىرنا" ۇلتتىق پورتالى.
قايعىلى وقيعا بۇگىن بولعان. وفيتسەر جوسپاردان تىس ساباقتار وتكىزۋ كەزىندە العان جاراقاتىنان قايتىس بولدى.
بۇل تۋرالى قۇرلىق اسكەرلەرى قولباسشىلىعىنىڭ ءباسپاسوز قىزمەتى ءمالىم ەتتى.
“قاۋىپسىزدىك شارالارىن بۇزۋ سالدارىنان جاركەنت گارنيزونى اسكەري بولىمدەرىنىڭ ءبىرىنىڭ وفيتسەرى العان جاراقاتىنان قايتىس بولدى.قۇرلىق اسكەرلەرىنىڭ قولباسشىلىعى مارقۇمنىڭ تۋىستارى مەن جاقىندارىنا كوڭىل ايتادى، ولارعا بارلىق قاجەتتى كومەك كورسەتىلەدى” دەپ مالىمدەدى ءباسپاسوز قىزمەتى وكىلدەرى.
ايتا كەتەيىك، 7 قاراشادا شىعىس قازاقستان وبلىسى بويىنشا شەكارا قىزمەتىنىڭ دەپارتامەنتىندە مەرزىمدى اسكەري قىزمەتشى قايتىس بولعانى تۋرالى حابارلاعان ەدىك.
