Elimizde ózge elden kelgen legıonerler sportshylardy memlekettik bıýdjet esebinen qarjylandyrýǵa tyıym salynatyn bolady, dep habarlaıdy "Adyrna" ulttyq portaly.
Endi kásibı sportty memlekettik bıýdjet qarajaty esebinen qarjylandyrýǵa qatysty jańa erejeler usynyldy. Zań jobasyna sáıkes kásibı klýbtardy ustaýǵa memleket tarapynan qarjylandyrý lımıtteri belgilenetin bolady. Mınıstrlik dereginshe, bul shara bıýdjettik shyǵystardyń tıimdiligin arttyrady.
Odan bólek, zań jobasynda ózge ózgeris bar. QR azamattary bolyp sanalmaıtyn sportshylardy memlekettik bıýdjet jáne kvazımemlekettik sektor sýbektileriniń qarajaty esebinen qarjylandyrýǵa tyıym salý. Bul shara el azamattarynyń sportta da, qarjylyq qoldaýda da basymdyqqa ıe bolýyn qamtamasyz etedi.
"Bul ózgerister sporttyq saladaǵy basqarýdy ońtaılandyryp, qarjylyq resýrstardy tıimdi paıdalanýǵa múmkindik beredi. Biz joǵary jetistikter sportyna erekshe kóńil bólip, kásibı sporttyń qarjylandyrý júıesin turaqty ári ádil etýdi maqsat etip otyrmyz", – dep atap ótti Týrızm jáne sport mınıstri Erbol Myrzabosynov.
