Elımızde özge elden kelgen legionerler sportşylardy memlekettık biudjet esebınen qarjylandyruǧa tyiym salynatyn bolady, dep habarlaidy "Adyrna" ūlttyq portaly.
Endı käsıbi sportty memlekettık biudjet qarajaty esebınen qarjylandyruǧa qatysty jaŋa erejeler ūsynyldy. Zaŋ jobasyna säikes käsıbi klubtardy ūstauǧa memleket tarapynan qarjylandyru limitterı belgılenetın bolady. Ministrlık deregınşe, būl şara biudjettık şyǧystardyŋ tiımdılıgın arttyrady.
Odan bölek, zaŋ jobasynda özge özgerıs bar. QR azamattary bolyp sanalmaityn sportşylardy memlekettık biudjet jäne kvazimemlekettık sektor subektılerınıŋ qarajaty esebınen qarjylandyruǧa tyiym salu. Būl şara el azamattarynyŋ sportta da, qarjylyq qoldauda da basymdyqqa ie boluyn qamtamasyz etedı.
"Būl özgerıster sporttyq saladaǧy basqarudy oŋtailandyryp, qarjylyq resurstardy tiımdı paidalanuǧa mümkındık beredı. Bız joǧary jetıstıkter sportyna erekşe köŋıl bölıp, käsıbi sporttyŋ qarjylandyru jüiesın tūraqty ärı ädıl etudı maqsat etıp otyrmyz", – dep atap öttı Turizm jäne sport ministrı Erbol Myrzabosynov.
Ūqsas jaŋalyqtar
