اتىراۋ وبلىسى ماقات اۋدانى كىشكەنە ەلدى مەكەنى گاز وڭدەۋ زاۋىتىنىڭ جۇمىسكەرلەرى پرەزيدەنت قاسىم-جومارت توقاەۆقا ۇندەۋ جاسادى، دەپ حابارلايدى "ادىرنا" ۇلتتىق پورتالى Ulysmedia-عا سىلتەمە جاساپ.
ولار ءوز ۇندەۋلەرىندە زاۋىت باسشىلىعى زاڭسىز قۋدالاپ جاتقانىن ايتۋدا.
"قازاق ەلى، ءبىز، كىشكەنە ەلدى مەكەنى، گاز وڭدەۋ زاۋىتى Qazaq Constraction Group مەكەمەسىندە جۇمىس جاسايتىن جۇمىسشىلارمىز. بۇگىن قاسىم-جومارت توقاەۆ كەمەۇلىنا ۇندەۋ جاسايمىز. ءبىزدىڭ قويار تالابىمىز – ەسكەنە گاز وڭدەۋ زاۋىتىنا ارنايى كوميسسيا جىبەرۋىڭىزدى سۇرايمىز. ءبىزدىڭ ايتار ءۋاجىمىز – ماقات اۋدانىنىڭ اكىمى، دەپۋتاتتارى جانە Qazaq Constraction Group باسشىلارىمەن بىرلەسىپ اۋىز جالاسۋدا. زاۋىتتىڭ اياقتالۋ پايىزىن وتىرىك ايتىپ، حالىقتى، جۇمىسشىلاردى الداۋدا. ءبىز باسشىلارعا ءۋاجىمىزدى ايتساق، جۇمىستان ادامداردى شىعارىپ، قۋدالاۋدا، – دەيدى جۇمىسشىلار.
ولار ءبىراۋىزدان كەيبىر باسشىلاردىڭ جۇمىستان كەتۋىن تالاپ ەتىپ وتىر.
"Qazaq Constraction Group ديرەكتورى ماقسات قادىرقۇل مىرزا بىزگە 5 قازان كۇنى جينالىس بولىپ، ديرەكتور فايزۋللا، زام ءمۇرادىل، ناچالنيك ۋچاستكا نۇربەك، سب المات، سايت مەنەدجەرى وتەباەۆ تالعات، ەڭبەك قاتىناسى بەكزات، وتدەل كادروۆ لياززات ەسىمدى باسشىلاردى جۇمىستان شىعارۋدى ۋادە بەرىپ، ورىندامادى. جۇمىس ورنىندا ءجۇرىپ جۇمىسشىلارعا قىسىم كورسەتۋدە. ءبىزدىڭ ناقتى تالابىمىز وسى اتالعان ادامداردى جۇمىستان تەز ارادا كەتىرىپ، ءوزىڭىزدىڭ ارنايى كوميسسياڭىزدى جىبەرۋدى تالاپ ەتەمىز", – دەيدى زاۋىت جۇمىسشىلارى.
