استانادا ەكس-مينيستر قۋاندىق بيشىمباەۆتى اتا-انا قۇقىعىنان ايىرۋ ءىسى بويىنشا اپەللياتسيالىق ءىس قارالدى، دەپ حابارلايدى “ادىرنا” ۇلتتىق پورتالى.
بۇل تالاپتى بيشىمباەۆتىڭ بۇرىنعى جۇبايى نازىم قاھارمان قويعان.
اقپاراتقا سايكەس، قۋاندىق بيشىمباەۆ سوتقا ونلاين قاتىستى. ونىڭ ايتۋىنشا، ءبىرىنشى سوتتان كەيىن دە، ءىس بارىسىندا دا اليمەنت ۋاقتىلى تولەنىپ وتىرعان. قازىرگى ۋاقىتتا نازىم قاھارمان ايتقان ماسەلەلەر شىندىققا ساي كەلمەيدى. بۇل — الەۋمەتتىك جەلىدە جارنامالاۋ جانە سوتقا قىسىم كورسەتۋ ارەكەتى. "مەنى بالالارعا اليمەنت تولەمەيتىن ادام رەتىندە كورسەتۋدە،"- دەيدى ول.
«بالالارىمنىڭ وقۋ اقىسىن اتا-انام تولەپ وتىر، ولار مۇنى مەنىڭ وتىنىشىممەن اليمەنت كەلىسىمى اياسىندا ورىندايدى. قاجەت بولسا، بارلىق قۇجاتتاردى ۇسىنۋعا دايىنمىن. سەنىمحاتقا قاتىستى ايتار بولسام، مەن قاماۋعا الىنعاننان كەيىن قاھارماننىڭ ادۆوكاتى نەمەسە ءوزى ماعان سەنىمحات قاجەت ەكەنىن ايتپادى، سونداي-اق تەكتى وزگەرتۋ قۇجاتتارىن ەشقانداي زاڭدى جولمەن تاپسىرعان جوق. ءبىرىنشى پروتسەستەن كەيىن اليمەنتكە ءوتىنىش بەرگەندە، مەن قاجەتتى قۇجاتتارعا قول قويىپ بەردىم.
ەگەر بۇل بالالاردىڭ مۇددەسى ءۇشىن بولسا جانە ولاردىڭ الەۋمەتتىك ومىردە ءوزىن ەركىن سەزىنۋىنە كومەكتەسەتىن بولسا، مەن قارسى ەمەسپىن. شەتەلگە شىعۋعا بايلانىستى سەنىمحاتقا قاتىستى ماسەلە بۇرمالانعان. ماعان جىبەرىلگەن سەنىمحاتتا بارلىق اتا-انالىق قۇقىعىمدى قاھارمانعا تاپسىرۋ كەرەك دەپ كورسەتىلگەن، ال شەتەلگە شىعۋعا رۇقسات بەرۋ عانا جازىلماعان»، — دەدى قۋاندىق بيشىمباەۆ.
سوت شەشىمىندە بالالاردىڭ پىكىرى مەن ۇستانىمى كورىنىس تاپپاعان. سوت قايتىس بولعان سالتانات نۇكەنوۆانىڭ تالاپكەر بالالار ءۇشىن وتباسى مۇشەسى بولعانىن ەسكەرمەدى. بالالار وتباسىنداعى جاقىن ادامدى تەك پاسپورتتاعى شتامپقا قاراپ باعالامايدى. سوت بولاشاق الەۋمەتتىك سالدارى تۇرعىسىنان وتە قاۋىپتى ءارى تەك بەيرەسمي ۇستانىم. ەگەر سالتانات نۇكەنوۆا قاتىگەزدىكپەن ولتىرىلگەندە، ولاردىڭ نەكە كۋالىگى بولسا، كۋاندىق بيشىمباەۆ اتا-انا قۇقىعىنان ءسوزسىز ايىرىلاتىن ەدى، ال ونداي قۇجات بولماعاندىقتان ەشتەڭە بولماعانداي كورىنەدى.
شەشىم وزگەرىسسىز قالدى. بيشىمباەۆ ءالى دە ءوز بالالارىنىڭ اكەسى بولىپ قالا بەرەدى.
«بىزدە ءبىرىنشى ينستانتسيا سوتىنىڭ شەشىمى زاڭ بۇزۋشىلىقتارمەن قابىلدانعانىن دالەلدەيتىن ءوتىنىشىمىز بار. بىرىنشىدەن، قۇرمەتتى سوت، قازاقستاننىڭ بۇكىل حالقى جانە شەتەلدەگى ادامدار بيشىمباەۆ ءىسى مەن سالتانات نۇكەنوۆانىڭ قايعىلى قازاسىنىڭ بارلىق ەگجەي-تەگجەيىن بىلەدى. ءبىز وسى ماسەلەنىڭ مورالدىق جاعىنا نازار اۋدارتقىمىز كەلەدى: وسىنداي ادامگەرشىلىككە جاتپايتىن قىلمىس جاساعان ادام ءوزىن اكە دەپ اتاپ، بالالارعا اسەر ەتىپ، اتا-انا قۇقىقتارىنان دامەتە الا ما؟ ءبىزدىڭ ويىمىزشا، جاۋاپ ايقىن. مۇنداي ادام اكە جانە اتا-انا مارتەبەسىنە يە بولا المايدى»، — دەدى نازىم قاھارمان.
بىرنەشە كۇن بۇرىن مەديا كەڭىستىكتە ەكس-ءمينيستردىڭ «جوعالىپ كەتۋى» تۋرالى شۋ بولعان ەدى، بىراق ول تەز ارادا «تابىلدى». قۇقىق قورعاۋشى باۋىرجان ءمۋسيننىڭ ايتۋىنشا، بيشىمباەۆ ستەپنوگورسك قالاسىنداعى №5 مەكەمەسىندە جازاسىن وتەپ جاتىر.
