تۇركىستان وبلىسى قوعامدىق دامۋ باسقارماسى “جاستار رەسۋرستىق ورتالىعى” كمم-ءنىڭ ۇيىمداستىرۋىمەن “BASTAU Talks” قوعامدىق لەكتسياسى اياسىندا استانا قالاسى، قمدب-نىڭ “ىرىسكەلدى قاجى” مەشىتىنىڭ باس يمامى، تەولوگ، ءدىنتانۋشى نۇرلان بايجىگىتۇلى جانە ء“دىن ماسەلەلەرىن زەرتتەۋ ورتالىعى” كمم-ءنىڭ ديرەكتورى مەدەت مۇزاپبارۇلى تۇركىستان قالاسىنىڭ جاستارىمەن كەزدەستى.
كەزدەسۋ ماقساتى - جاستارعا ءتالىم-تاربيە، رۋحاني باعىت-باعدار بەرۋ، كوشباسشىلىق قابىلەتتەرىن دامىتۋ، وسكەلەڭ ۇرپاقتى بەلسەندى جانە جاۋاپتى ازامات ەتىپ قالىپتاستىرۋ. سونىمەن قاتار، دۇنيەتانىمى، وزىندىك كوزقاراسى قالىپتاسقان سانالى ازامات ەتىپ تاربيەلەۋ، ءوز ەلىنىڭ دامۋىنا ۇلەس قوسۋ ارقىلى وتانىنا، تۋعان جەرىنە دەگەن سۇيىسپەنشىلىگىن ارتتىرۋ.
جيىنعا تۇركىستان وبلىسى قوعامدىق دامۋ باسقارماسى “جاستار رەسۋرستىق ورتالىعى” كمم-ءنىڭ باسشى ورىنباسارى پەردەبەك سەرجانۇلى مودەراتورلىق ەتتى.
كەزدەسۋ بارىسىندا سپيكەرلەر بىرقاتار كەلەلى ماسەلەلەردى قوزعاپ، جاستاردىڭ قىزىعۋشىلىعىن تۋدىراتىن وزەكتى تاقىرىپتاردا اڭگىمە ءوربىتتى. كەزدەسۋدەن كەيىن قاتىسۋشىلارمەن سۇراق-جاۋاپ الماسىپ، جاستار وزدەرىنىڭ كوكەيلەرىندە جۇرگەن ساۋالدارىن قويىپ، سپيكەرلەردەن ناقتى جاۋاپتار الدى.
“BASTAU Talks” قوعامدىق لەكتسياسى – جاستار ءۇشىن ەرەكشە مۇمكىندىك. بۇل جوبا كوپتەگەن جەتىستىككە جەتكەن بىلىكتى تۇلعالاردىڭ ومىرلىك تاجىريبەسى مەن جەتىستىككە جەتۋ جولىن جاستارعا ۇلگى ەتك وتىرىپ، موتيۆاتسيا بەرىپ، دامىتۋ، تىڭ اقپارات الۋعا باعىتتالعان. جاستار ءۇشىن مۇنداي كەزدەسۋلەردىڭ ماڭىزى زور. سەبەبى ولار قوعامنىڭ بولاشاعىن قالىپتاستىراتىن جاڭا بۋىن.
