تۇركىستان وبلىسىنداعى ەرىكتىلەر اي سايىن ءتۇرلى قايىرىمدىلىق ىستەرىن اتقارىپ جاتىر. بۇل تۋرالى "تالانتتى جاستاردى قولداۋ" ءبولىمىنىڭ باسشىسى بەردىبەك باعلان بەردىبەكۇلى سۇحبات بەردى.
- تۇركىستان وبلىسىنداعى ەرىكتىلەر قانداي سالالاردا جۇمىس اتقارادى؟
- تۇركىستان وبلىسى «جاستار رەسۋرستىق ورتالىعى» كمم-ءنىڭ جانىنان قۇرىلعان «Jas Qadam» ەرىكتىلەر ۇيىمى جۇمىس اتقارادى. ەرىكتى جاستار ۇيىمنىڭ جۇمىس اتقارۋ باعىتتارى بويىنشا ءىس-شارالار جۇرگىزەدى. اتاپ ايتار بولساق:
1. «Birgemiz BILIM» - جوبا اياسىندا ۆولونتەرلىك نەگىزدە حالىقتى تسيفرلىق، قارجىلىق، تىلدىك، كومپيۋتەرلىك ساۋاتتىلىققا وقىتا الاتىن ۆولونتەرلەردى دايىنداۋ. سونداي-اق، تۇرمىستىق جاعدايى كومەك قاجەت ەتەتىن وتباسىلاردىڭ بالالارىن تەگىن وقىتۋ جۇمىستارىن جۇرگىزۋ;
2. «Birgemiz SAYLYQ» - دەنساۋلىق ساقتاۋ سالاسىندا ۆولونتەرلەردى جانە ونىڭ ىشىندە ستاتسيونارلىق جاعدايدا ەم ۇسىناتىن مەديتسينالىق مەكەمەلەرگە ۆولونتەرلاردى تارتۋ;
3. «Birgemiz SABAQTASTYQ» - بالالار ءۇيىنىڭ تاربيەلەنۋشىلەرىمەن جاستارعا، حالىقتى الەۋمەتتىك قورعاۋ جۇيەسىنىڭ الەۋمەتتىك قىزمەت كورسەتۋ ورتالىقتارىنان قيىن ومىرلىك جاعدايدا قالعان بالالارعا قاتىستى ەرىكتىلەردىڭ تالىمگەرلىك تاجىريبەسىن ەنگىزۋ بويىنشا «Birgemiz SABAQTASTYQ» جالپىۇلتتىق جوباسىن جۇزەگە اسىرۋ;
4. «Birgemiz TAZA ALEM» - قورشاعان ورتانى قورعاۋ، وزەندەر مەن ورماندار، تازالاۋ، اعاشتار وتىرعىزۋ، قوقىستاردى ىرىكتەۋگە ۇيرەتۋ;
5. «Birgemiz ASYL MURA» - مادەني-تاريحي مۇرانى ساقتاۋ جانە دامىتۋ، تاريح، مادەنيەت ەسكەرتكىشتەرىمەن مەمەوريالدىق كەشەندەردى قالپىنا كەلتىرۋ جانە ساقتاۋ جونىندەگى جوبالارعا ۆولونتەرلەردى تارتۋ;
6. «Birgemiz QAMQOR» - الەۋمەتتىك قىزمەت كورسەتەتىن، ونىڭ ىشىندە قارتتار ۇيىندە الەۋمەتتىك قىزمەت كورسەتەتىن ۇيىمدارعا ۆولونتەرلەردى تارتۋ;
7. «Birgemiz UMIT» - جوعالعان ادامداردى ىزدەۋ، اپاتتار قاۋپىن ازايتۋ جانە تابيعي جانە تەحنوگەندىك سيپاتتاعى توتەنشە جاعدايلاردىڭ سالدارىن جويۋ جوبالارىنا ەرىكتىلەردى تارتۋ بويىنشا «Birgemiz UMIT» جوباسىن ىسكە اسىرۋ;
8. «كورپاراتيۆتىك ۆولونتەرلىك» - كورپاراتيۆتىك ۆولونتەرلىك قىزمەتىن دامىتۋ. ۇيىمدار مەن قىزمەتكەرلەردى الەۋمەتتىك جاۋاپكەرشىلىككە تارتۋ. ۆولونتەرلىك سالا بويىنشا جەكە كومپانيالار مەن ۇەۇ اراسىنداعى ءوزارا قارىم-قاتىناسىمەن جۇمىس;
9. «كۇمىس ۆولونتەرلىك» - جاس ەرەكشەلىگىنە قاراماستان ازاماتتاردى ۆولونتەرلىك قىزمەتكە تارتۋ، ەرىكتىلىك ارقىلى اعا بۋىننىڭ بەلسەندى ۇزاق ءومىر ءسۇرۋىن دامىتۋ;
- قانشا ەرىكتى تىركەلگەن جانە ولاردىڭ نەگىزگى جوبالارى قانداي؟
- وبلىستىق جاستار رەسۋرستىق ورتالىعىنىڭ باستاماسىمەن «تالانتتى جانە بەلسەندى جاستار» بازاسى قۇرىلعان. جىلدىڭ باسىندا قۇرىلعان بازاعا 17 402 ەرىكتى جاستار تىركەلگەن.
وبلىستىق اۋدان، قالالىق جاستار رەسۋرستىق ورتالىقتارىنا قاراستى ۆولونتەرلىك ۇيىمدار جانە ۇلتتىق ۆولونتەرلىك جەلىنىڭ فرونت-وفيستەرى جالپى سانى 36 ۇيىم جۇمىس جاساۋدا.
تۇركىستان وبلىسىنىڭ جاستارى ەلىمىزدە ورىن العان توتەنشە جاعدايلار كەزىندە الدىڭعى شەپتە تۇرىپ قىزمەت ەتەتىندەردىڭ ءبىرى. 2023 جىلى ەرىكتىلەرىمىزدىڭ سانى 8 000 جۋىق بولسا، 2024 جىلى 10 000 جاس ەرىكتى بولۋعا ۇسىنىس ءبىلدىرىپ، ەرىكتىلەرىمىزدىڭ سانى 18 000 جەتتى.
ەرىكتى جاستارىمىزدىڭ نەگىزگى اتقاراتىن جوبالارىن اتاپ ايتساق:
- ەكولوگيالىق ۆولونتەرلىك، ستۋدەنتتەردى ەكولوگيالىق ءىس-شارالارعا قاتىسۋعا تارتۋ، ولاردى تابيعاتتى قورعاۋ ءىس-شارالارىنا تارتۋ;
- وقۋشىلاردى ەكولوگيالىق مادەنيەتكە تاربيەلەۋگە، قالدىقتاردى دۇرىس شىعارۋعا باعىتتالعان ءىس-شارالاردى ۇيىمداستىرۋ;
- حالىقارالىق ءىس-شارالاردى (فورۋمدار، فەستيۆالدار، سپورت كۇندەرى) ۇيىمداستىرۋعا جاردەمدەسۋ;
- ءتۋريزمدى دامىتۋ ماقساتىندا ەكسكۋرسيالىق ءىس-شارالاردى (مۇراجايلارعا، كىتاپحانالارعا جانە قالانىڭ باسقا دا كورىكتى جەرلەرىنە بارۋ) ۇيىمداستىرۋدا تۋريستىك قىزمەتپەن اينالىساتىن تۇلعالاردىڭ جۇمىسىنا جاردەمدەسۋ;
- ۆولونتەرلارمەن رەسپۋبليكالىق جانە قالالىق ءىس-شارالاردى وتكىزۋ كەزىندە جەرگىلىكتى جاستار رەسۋرستىق ورتالىقتارىنىڭ جۇمىسىنا قاتىسۋ;
- ينكليۋزيۆتى ءبىلىم بەرۋ;
- رەپەتيتورلىق (تىلدەر، كومپيۋتەرلىك ساۋاتتىلىق);
- دەۆيانتتى مىنەز-قۇلىقتى كامەلەتكە تولماعان بالالارمەن جۇمىس;
- اۋلالىق جانە سپورت كلۋبتارىن ۇيىمداستىرۋ;
- بالالارمەن، قارتتارمەن جانە مۇگەدەكتەرمەن الەۋمەتتىك جۇمىس:
- قورشاعان ورتانى قورعاۋ جانە ەكولوگيالىق قاۋىپسىزدىك، تاريحي-مادەني مۇرا وبەكتىلەرىن ساقتاۋ سالاسىنداعى جۇمىس;
- ەمدەلۋشىلەرگە، قارتتارعا جانە مۇگەدەكتەرگە قىزمەت كورسەتەتىن مەملەكەتتىك جانە جەكە دەنساۋلىق ساقتاۋ ۇيىمدارىنىڭ، باسقا دا قوعامدىق ۇيىمداردىڭ جۇمىسىنا قاتىسۋ:
- جاستاردىڭ باستاماشىل جوبالارى ارقىلى الەۋمەتتىك جوبالاردى جۇزەگە اسىرۋعا قاتىسۋ، قوعامدىق قورلارمەن جانە ۇكىمەتتىك ەمەس ۇيىمدارمەن ءوزارا ارەكەتتەسۋ;
- ەرىكتىلەردىڭ وبلىستاعى ەڭ ءىرى جوبالارى مەن جەتىستىكتەرى قانداي؟
- 2024 جىلى اتقارعان ەرىكتى جاستاردىڭ نەگىزگى جوبالارى دەپ ايتۋعا كەلمەس بىراق تۇراقتى تۇردە اتقاراتىن ءىس-شارالارى بار.
قازىرگى تاڭدا 2025 جىلعا ءىرى جوبالار ازىرلەپ جاتىرمىز. اتاپ ايتساق: وبلىستىق «اۋىل فەست» ۆولونتەر جاستار اراسىندا سالت-ءداستۇردى كەڭىنەن ناسيحاتتاۋ باعىتىنداعى سايىسىن ۇيىمداستىرۋ، «Asyl MURA» ۆولونتەرلىك الەۋمەتتىك جوبالار بايقاۋى سونداي-اق، 2023-24 جىلى رەسپۋبليكالىق دەڭگەيدە وتكىزگەن تۇراقتى ءىس-شارامىز «ZHAS CAMP» لاگەرى جانە ت.ب
وبلىستىق جاستار رەسۋرستىق ورتالىعىنىڭ جانىنان قۇرىلعان «Jas Qadam» ەرىكتىلەر ۇيىمى، ۇلتتىق ۆولونتەرلىك جەلىنىڭ قولداۋىمەن وتكىزىلگەن «قارتتارعا قۋانىش سىيلا» الەۋمەتتىك-قايىرىمدىلىق اكتسياسى اياسىندا رەسپۋبليكالىق «ۆولونتەرى Birgemiz: Qamqor» جوباسىنىڭ جەڭىمپازى اتاندى.
- ەرىكتىلەرگە مەملەكەت تاراپىنان قانداي قولداۋ كورسەتىلەدى؟ جەرگىلىكتى بيلىك ورگاندارى ەرىكتىلەردىڭ جۇمىسىن قالاي ىنتالاندىرادى؟
- ۆولونتەرلار تەك اپاتتى وقيعا كەزىندە عانا ەمەس، كۇندەلىكتى تۇرمىستا دا بەلسەندىلىك تانىتىپ ءجۇر. ەرىكتىلەردى ىنتالاندىرۋ جۇمىستارى تۇراقتى تۇردە جۇرگىزىلۋدە. جىل سايىن جاز ايىندا اقمولا وبلىسى زەرەندى اۋدانىندا وتەتىن جازعى لاگەرگە جانە وبلىسىمىزدا وتەتىن لاگەرلەرگە قاتىستىرۋ جۇمىستارىن جۇرگىزەمىز. سونىمەن قاتار، ەلىمىزدىڭ باسشىسى قاسىم-جومارت كەمەلۇلىنىڭ ارنايى العىس حاتتارىمەن سونداي-اق، قر اقپارات جانە مادەنيەت مينيسترلىگىڭ ديپلومدارىمەن ماراپاتتاۋعا ۇسىنامىز. جىل سوڭىندا ارنايى قارجىلاي جۇلدەسى بار «ۇزدىك ۆولونتەر» نوميناتسياسى بويىنشا جىل ۇزدىگىن انىقتايمىز.
- تۇركىستان وبلىسىندا ەرىكتىلەرگە ارنايى وقىتۋ نەمەسە ترەنينگتەر ۇيىمداستىرىلا ما؟
- ارينە. 2024 جىلدىڭ 25-27 شىلدە كۇندەرى ارالىعىندا، تۇركىستان وبلىسى، تولەبي اۋدانى «كوكتوبە» دەمالىس ورنىندا، رەسپۋبليكالىق «Zhas Camp. Jastar Academy II» اتتى لاگەردە تەك تۇركىستان وبلىسىنىڭ عانا ەمەس رەسپۋبليكانىڭ ەرىكتى جاستارىن جيناپ، ءار وڭىردە جاستار ساياساتىن جۇزەگە اسىرۋ جانە جاستاردىڭ الەمدى قۇرۋ مەن دامىتۋ ءرولىن، ولاردىڭ جولىندا تۇرعان كۇندەلىكتى پروبلەمالار تۋرالى پىكىر الماسۋ ماقساتىندا ترەنينگ وتكىزىلدى. سونىمەن قاتار، وبلىسىمىزدىڭ ەرىكتىلەرىنە كەنتاۋ قالاسى «حانتاعى» تاۋ شىڭىندا تيمبيلدينگ ۇيىمداستىرىلدى. جالپى ەرىكتى جاستارمەن باس قوسۋ ءجيى وتكىزىلەدى.
- جىل باسىنان بەرى ەرىكتىلەر تاراپىنان قانداي شارالار جۇزەگە اسىرىلدى؟
- 2024 جىلى ەلىمىزدىڭ سولتۇستىگى جانە باتىسىندا سۋ تاسقىنى بويىنشا ورىن العان توتەنشە جاعداي كەزىندە، تۇركىستان وبلىسىنان 1000-عا جۋىق توننا گۋمانيتارلىق كومەك جونەلتىلىپ، ەرىكتى جاستارىمىز سۋ تاسقىنى ورىن العان وڭىرلەرگە بارىپ الدىن-الۋ جۇمىستارىن اتقاردى.
2024 جىلى ەل وڭىرلەرىندە جاستار رەسۋرستىق ورتالىقتارى مەن جاستار ۇيىمدارىنىڭ باستاماشىلدىعىمەن «تازا قازاقستان» رەسپۋبليكالىق ەكولوگيالىق اكتسياسى اياسىندا، «تازا ولكە» جانە «كيەلى مەكەن»، «جاسىل ايماق»، «ونەگەلى ۇرپاق»، «ءمولدىر بۇلاق» اپتالىقتارىندا 92 مىڭعا جۋىق ەرىكتىلەر قاتىستى. سونداي-اق، 92 636 مىڭ ءتۇپ اعاش كوشەتتەرى جانە 10 مىڭعا جۋىق گۇل وتىرعىزىلىپ، 1 174 توننا قوقىس شىعارىلدى. سونىمەن قاتار، 245 كيەلى-مەكەندەردە كوشە بويلارىنداعى اعاشتاردى اكتەۋ، سىرلاۋ، قوقىس قالدىقتارى شىعارىلسا، 258 قارت كىسىلەردىڭ ۇيىلەرىنە تازالىق جۇمىستارى جۇرگىزىلدى.
اكتسيالار اياسىندا فورۋمدار، تيمبيلدينگ سونداي-اق، ت.ب ءىس-شارالار ۇيىمداستىرىلدى. تازا قازاقستان اكتسياسى جىلدىڭ سوڭىنا دەيىن جالعاساتىن بولادى.
سونىمەن قاتار، وبلىستىق جاستار رەسۋرستىق جانىنان اشىلعان «Jas Qadam» ەرىكتىلەر ۇيىمىنىڭ ۇيىمداستىرۋىمەن، قايىرىمدىلىق اپتالىعى وتكىزىلدى. اپتالىقتا، تۇركىستان وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ «№2 ارناۋلى الەۋمەتتىك قىزمەتتەر كورسەتۋ ورتالىعى» كمم-ءنىڭ ورتالىعىندا «مەيىرىمدىلىك - اسىل قاسيەت» اتتى قارتتار ۇيىندە مەرەكەلىك شارا ءوتتى.
سونداي-اق، سايرام اۋدانى «جانۇيا تيپتەگى بالالار ءۇيى»، تولەبي اۋدانى «وتباسى ۇلگىسىندەگى بالالار اۋىلى» جانە ارىس قالاسى «ت. تاجىباەۆ اتىنداعى وتباسىلىق ۇلگىدەگى بالالار اۋىلى» بالالار ۇيىندە كونتسەرتتىك قويىلىمدار كورسەتىلىپ دەمەۋشىلەردىڭ قولداۋىمەن سىيلىقتار تابىستالدى.
- جاۋابىڭىزعا راقمەت!
"ادىرنا" ۇلتتىق پورتالى
