اۋىر اتلەتيكادان قازاقستان قۇراماسىنىڭ بۇرىنعى باس باپكەرى الەكسەي ني ءومىرىنىڭ سوڭىنا دەيىن سپورتتان شەتتەتىلگەنى انىقتالدى، دەپ حابارلايدى "ادىرنا" ۇلتتىق پورتالى 1bol.kz-كە سىلتەپ.
باپكەر ءومىرىنىڭ سوڭىنا دەيىن سپورت سالاسىنداعى جارىستارعا قاتىسا المايدى، جەتەكشىلىك ەتۋگە دە قۇقىعى جوق. حالىقارالىق وليمپيادا كوميتەتىنىڭ باستاماسىمەن 2017 جىلى قۇرىلعان تەستىلەۋ جونىندەگى حالىقارالىق اگەنتتىك (ITA) وسىنداي شەشىم قابىلداعان.
الەكسەي نيگە اۋىر اتلەتتەر يليا يلين، سۆەتلانا پودوبەدوۆا، زۋلفيا چينشانلو، مايا مانەزا جانە نيدجات راحيموۆتارعا دوپينگ بەردى دەگەن ايىپ تاعىلدى. ITA-نىڭ سوڭعى شەشىمى وسىنداي بولدى.
بۇرىنعى باس باپكەر الەكسەي ءنيدىڭ كەزىندە قازاقستان دوپينگ سىناماسىن قايتا تەكسەرىپ، وليمپيادانىڭ 5 التىنىنان ايىرىلعان بولاتىن.
