Ауыр атлетикадан Қазақстан құрамасының бұрынғы бас бапкері өмір бойына спорт әлемінен шеттетілмек, деп хабарлайды “Адырна” ұлттық порталы.
Бұрынғы бас бапкер Алексей Нидің кезінде Қазақстан допинг сынамасын қайта тексеріп, Олимпиаданың 5 алтынынан айырылған болатын.
Қазақстан ауыр атлетика федерациясының хабарлауынша, Ни қазір спорттан уақытша шеттетілген.
"63 жастағы маман уақытқа спорттан шеттетілген. 2017 жылы ХОК жанынан құрылған Халықаралық тестілеу агенттігі тараздық азаматты өмір бойына дисквалифицировать туралы ресми хабарлама жіберген. Осы атышулы іс бойынша ITA тергеуі қазір аяқталуға жақын", – деп хабарлады Қазақстан Республикасының ауыр атлетика федерациясының баспасөз қызметі.
Ұлттық құраманың аға жаттықтырушысы болып жұмыс істеген бас бапкердің ағасы Виктор Ни де жазаға тартылмақ. Виктор Ни 4 жылға уақытша дисквалификацияланған.
