قاراعاندى وبلىسىنىڭ ەكونوميكاسى تۇراقتى دامىپ كەلەدى. ونەركاسىپتىك ءوندىرىس پەن ينۆەستيتسيا كولەمى وسۋدە. ەكى جاڭا كاسىپورىن جۇمىس ىستەي باستادى. بۇل پوليەتيلەن قۇبىرلارىن وندىرەتىن جانە بولات سۋ جىلىتاتىن گاز قازاندىقتارىن شىعاراتىن كاسىپورىندار. تاعى سەگىز جوبا ىسكە قوسىلادى دەپ كۇتىلۋدە. قارمەتكە جاڭا ينۆەستوردىڭ كەلۋىمەن توقتاپ تۇرعان كەنىشتەر قالپىنا كەلتىرىلدى. جاڭا ينۆەستوردىڭ كەلۋىمەن Qarmet كومپانياسىندا جۇمىس ىستەمەگەن شاحتالار قالپىنا كەلتىرىلدى.
بۇل تۋرالى وبلىس اكىمى ەرماعانبەت بولەكپاەۆ ورتالىق كوممۋنيكاتسيالار قىزمەتىندە وتكەن بريفينگتە مالىمدەدى. ايماق باسشىسى حالىقتىڭ ءومىر ءسۇرۋ ساپاسىن جاقسارتۋ جونىندەگى مەملەكەت باسشىسىنىڭ تاپسىرمالارىنىڭ ورىندالۋى تۋرالى باياندادى.
– جىل باسىنان بەرى وبلىستىڭ ەكونوميكاسىنا 679,1 ملرد تەڭگە ينۆەستيتسيا قۇيىلدى. بۇل وتكەن جىلداعى وسى كەزەڭىمەن سالىستىرعاندا 14,6 %-عا ارتىق. وبلىس كارتاسىندا ەكى جاڭا كاسىپورىن پايدا بولدى. جىل سوڭىنا 200 ملرد تەڭگەدەن استام ينۆەستيتسيا تارتىلعان تاعى 8 جوبانى ىسكە قوسامىز. بۇل 2600 جاڭا جۇمىس ورنىن قۇرۋعا مۇمكىندىك بەرەدى. ءىرى جوبالاردىڭ قاتارىندا مىس جانە فەرروسيليتسي وندىرەتىن زاۋىتتار بار، – دەدى ەرماعانبەت بولەكپاەۆ.
ونىڭ ايتۋىنشا، جىل باسىنان بەرى ەكونوميكانىڭ ءوسۋى 13,1 % قۇرادى.
ونەركاسىپ ءوندىرىسىنىڭ كولەمى 2,8 ترلن تەڭگەدەن استى. نەگىزگى بولىگى وڭدەۋ ونەركاسىبىنە تيەسىلى. بۇل 2,2 ترلن تەڭگە.
وبلىس اكىمى Qarmet كومپانياسىنىڭ قىزمەتىنە جەكە توقتالدى.
– وزدەرىڭىز بىلەتىندەي، بىلتىر مەملەكەت باسشىسىنىڭ تاپسىرماسىمەن وڭىردەگى ەڭ ءىرى Qarmet كاسىپورنىندا ينۆەستور اۋىسىپ، الىپ كاسىپورىندا قايتا جاڭعىرۋ باستالدى. مەتاللۋرگيالىق كومبيناتتا شويىن، بولات جانە جالپاق پروكات ءوندىرىسى ارتتى .جاڭا ينۆەستورعا اۋىسقان كەزدە سەگىز شاحتانىڭ ۇشەۋى عانا جۇمىس ىستەپ تۇرعان ەدى. قازىر جەتى شاحتا جۇمىس ىستەپ تۇر. ۇڭعىما كەنجارلارىنىڭ سانى 11-دەن 45-كە دەيىن ۇلعايتىلدى. بۇل بولاشاققا ارنالعان نەگىز، ول شاحتالاردىڭ كوپ جىلدار بويى جۇمىس ىستەۋىن قامتاماسىز ەتەدى، – دەپ اتاپ ءوتتى ەرماعانبەت بولەكپاەۆ.
كەنشىلەردىڭ قاۋىپسىزدىگى ءۇشىن ىزدەۋ جانە پوزيتسيالاۋ جۇيەسى ەنگىزىلدى. قازىر بۇل جۇيە «قازاقستان» جانە «كۇزەمباەۆ» اتىنداعى ەكى شاحتادا جۇمىس ىستەيدى. كەلەسى جىلى بارلىق شاحتالار قامتىلماقشى.
