قاراعاندى وبلىسىندا «جايلى مەكتەپ» باعدارلاماسى بويىنشا 10 مەكتەپ سالۋ جوسپارلانۋدا. بۇل تۋرالى قاراعاندى وبلىسىنىڭ اكىمى ەرماعانبەت بولەكپاەۆ ورتالىق كوممۋنيكاتسيالار قىزمەتىندە وتكەن بريفينگتە ايتتى.
ولاردىڭ قۇرىلىسى بىلتىر باستالعان. بيىلعى وقۋ جىلىندا قاراعاندىدا 2 مەكتەپ اشىلدى. جىل سوڭىنا دەيىن جاڭادان تاعى بەس جايلى مەكتەپ اشۋ جوسپارلانۋدا.
بۇعان قوسا، اكىم «قازاقستان حالقىنا» قورىنىڭ وڭىردەگى الەۋمەتتىك جوبالارداعى بەلسەندى ءرولىن اتاپ ءوتتى. قوردىڭ قولداۋىمەن ءبىلىم بەرۋ سالاسىندا مەكتەپتەردى جاڭعىرتۋ جانە جوندەۋ، سونداي-اق سپورت الاڭدارىن سالۋ بويىنشا 4 جوبا جۇزەگە اسىرىلدى. دەنساۋلىق ساقتاۋدا پۋلمونولوگيا، كومبۋستيولوگيا جانە كارديولوگياعا ارنالعان جابدىقتار ساتىپ الىندى.
