استانادا كەنەسارى حان ەسكەرتكىشىنە جوندەۋ جۇمىستارى جۇرگىزىلمەك. بۇل تۋرالى قالا اكىمدىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«تاريحي-مادەني مۇرانى ساقتاۋ ماقساتىندا 2024-2025 جىلدارى ەسىل وزەنىنىڭ جاعاسىندا ورنالاسقان كەنەسارى حان ەسكەرتكىشىن قايتا جاڭعىرتۋ جوسپارلانۋدا»، - دەلىنگەن حابارلامادا.
عىلىمي-تەحنيكالىق تەكسەرۋ قورىتىندىسى بويىنشا نىسان قاۋىپتى دەپ تانىلدى.
اقپاراتقا سايكەس، نىساندى دەمونتاجداۋ 2024 جىلدىڭ قاراشاسىندا باستالادى. نىساننىڭ ءوزى قايتا جوندەۋدەن كەيىن 2025 جىلدىڭ كوكتەمىندە ورنىنا قايتارىلادى دەپ جوسپارلانۋدا.
قايتا قۇرۋ كەلەسى جۇمىستاردى قامتيدى: ءمۇسىندى بولشەكتەۋ جانە ونى كەيىننەن قالپىنا كەلتىرۋ، تۇعىردى جانە ونىڭ اينالاسىنداعى اۋماقتى بولشەكتەۋ، سونىمەن قاتار قۇرىلىمدى كەيىننەن ورناتۋ جانە تۇعىردى قاپتاۋ ماتەريالىمەن ارلەۋ.
