رەسەي باسشىسى ۆلاديمير پۋتين بريكس سامميتىندە تۇركيا پرەزيدەنتى رەجەپ تايىپ ەردوعاننىڭ ەسىمىن شاتاستىردى. ءتيىستى ۆيدەونى اگەنتستۆو اقپارات كوزى جاريالادى، دەپ حابارلايدى “ادىرنا” ۇلتتىق پورتالى.
پۋتينگە تۇركيا پرەزيدەنتىن تانىستىرۋ ءۇشىن ونىڭ تولىق اتى-ءجونىن ايتۋ قاجەت بولعان. ول تەك ءۇشىنشى ايتقاندا عانا تۇركيا باسشىسىنىڭ اتى-ءجونىن تولىق ايتا العان.
ايتا كەتەيىك، قازان ايىنىڭ باسىندا 72 جاسقا تولعان ءپۋتيننىڭ اتاۋلاردى، اسىرەسە، ءوزىنىڭ وزگە ەلدەردەگى ارىپتەستەرىنىڭ ەسىمىن دۇرىس اتاي المايتىن كەزدەرى ءجيى كەزدەسەدى. ونىڭ جاڭىلىس سويلەگەنى جايىندا كرەمل ەشقاشان تۇسىنىك بەرگەن ەمەس. ول كوبىنە ءوزى ءجيى ساپارلايتىن جانە ءجيى باس قوساتىن ورتالىق ازيا پرەزيدەنتتەرىنىڭ رەسمي اتى-جونىنەن شاتاسىپ جۇرەدى.
اسىرەسە، قازاقستان پرەزيدەنتى قاسىم-جومارت توقاەۆتىڭ اتىن بىرنەشە رەت بۇرمالاپ ايتقان.
كەيبىر ساراپشىلاردىڭ پىكىرىنشە، بۇل كەزدەيسوق ەمەس جانە رەسەيدىڭ باسقا مەملەكەتتەرمەن قارىم-قاتىناسىنا دا اسەر ەتۋى مۇمكىن.
