ۇكىمەت باسشىسى ولجاس بەكتەنوۆ ەلوردادا جەڭىل رەلستى كولىك (LRT) جەلىسىن سالۋ جونىندەگى جوباعا شولۋ جاسادى، دەپ حابارلايدى "ادىرنا" ۇلتتىق پورتالى.
پرەمەر-ءمينيستردىڭ سوزىنشە، قۇرىلىس جۇمىستارىنىڭ قارقىنى ارتىپ كەلەدى. سول سەبەپتى قۇرىلىستى باسەڭدەتپەۋ ماڭىزدى. Cتانتسيالاردىڭ نەگىزگى تەمىربەتون كونسترۋكتسيالارى قۇرىلىسىن 2024 جىلدىڭ سوڭىنا دەيىن اياقتاۋ جوسپارلانىپ وتىر. ال كەلەسى جىلى رەلستەردى توسەۋ، ستانسالاردى ارلەۋ جانە جىلجىمالى قۇرامداردى جەتكىزەتىن دەپو قۇرىلىسىن جۇرگىزۋ، قابانباي باتىر داڭعىلى مەن قالداياقوۆ كوشەسى بويىنداعى ەستاكادالىق بولىكتى اباتتاندىرۋ جۇرگىزىلەدى.
ۇكىمەت ءباسپاسوز قىزمەتىنىڭ دەرەگىنشە، بۇگىندە LRT ەستاكاداسىنىڭ ارقالىقتارىن توسەۋ كەزەڭى اياقتالدى.
"جەڭىل رەلستى جەلىنىڭ جالپى ۇزىندىعى 22,4 كم قۇرايدى. LRT قۇرامىنا 18 ستانتسيا كىرەدى. 652 ادام سىياتىن 19 جىلجىمالى قۇرامدى ىسكە قوسۋ جوسپارلانىپ وتىر. قوزعالىس ارالىعى 4-5 مينۋتتى قۇرايدى. باستاپقى كەزەڭدە تاۋلىگىنە 25 مىڭ ادام جولاۋشىلار اعىنى بولادى دەگەن بولجام بار. بۇل رەتتە جولاۋشىلار اعىنى ەڭ جوعارى ۋاقىتتا تاۋلىگىنە 92 مىڭ ادامعا جەتۋى مۇمكىن. تولەم جۇيەسى قالالىق انالوگى بويىنشا كولىك كارتاسىن ۆاليداتسيالاۋ نەمەسە QR-كود ارقىلى تولەۋ ارقىلى قاراستىرىلعان", – دەلىنگەن حابارلامادا.
ستانتسيا اۋماعىندا پرەمەر-مينيستر قۇرىلىس بارىسىندا قولدانىلاتىن تەحنولوگيالىق شەشىمدەرمەن تانىستى.
"جوبانى ىسكە اسىرۋعا China Construction Sixth Bureau, Yunnan Construction and Investment Holding Group Co.، Longjian Road and Bridge Co.، Tianjin Rail Transit Group Co.، CRRC Tangshan Co LTD. سياقتى جوعارى ستاندارتتاردى ساقتاۋىمەن تانىمال قىتايلىق جەتەكشى كومپانيالار تارتىلعان. سونداي-اق CRSCInternational, CASCO, HUAWEI Smart Transport BU كومپانيالارى كولىك جۇيەسىنىڭ قاۋىپسىز ءارى ءتيىمدى جۇمىسىن قامتاماسىز ەتۋدە شەشۋشى ءرول اتقاراتىن بايلانىس، دابىل جانە اۆتوماتتاندىرۋ جۇيەلەرىن رەتتەۋگە قاتىسادى", – دەدى ۇكىمەت ءباسپاسوز قىزمەتى.
China Railway Asia-EuropeConstruction Investment قوسالقى مەردىگەر كومپانياسىنىڭ باس ديرەكتورى چجوۋ حايۆەي يننوۆاتسيالىق تەحنولوگيالار قولدانىلىپ جاتقانىن باياندادى.
"مەملەكەت باسشىسى ەلىمىزدىڭ كولىك جۇيەسىن دامىتۋعا ۇلكەن كوڭىل ءبولىنىپ جاتىر. LRT جوباسى بويىنشا ينفراقۇرىلىمدى دايىنداۋ جونىندە قىرۋار جۇمىس جۇرگىزىلدى، قاراجات ءبولىندى. LRT ەلوردا تۇرعىندارى مەن قوناقتارىنا قىزمەت كورسەتەدى. قۇرىلىس جۇمىستارىنىڭ قارقىنى ارتىپ كەلەدى، ونى باسەڭدەتپەۋ ماڭىزدى. جوبا ەڭ جوعارى دەڭگەيدە جۇزەگە اسىرىلۋى كەرەك. اكىمدىك پەن ورتالىق مەملەكەتتىك ورگاندار تاراپىنان باقىلاۋ كۇشەيتىلۋگە ءتيىس. ناتيجەگە جۇمىس ىستەيمىز", — دەدى پرەمەر-مينيستر.
