اتىراۋ وبلىسىنىڭ اۋداندىق سوتى ءجاسوسپىرىمدى ولتىرگەن پوليتسەيگە ۇكىم شىعاردى، دەپ حابارلايدى "ادىرنا" ۇلتتىق پورتالى.
وبلىسقا قاراستى قىزىلقوعا اۋدانىنىڭ پاترۋلدىك پوليتسيا ينسپەكتورى موتوتسيكل ايداعان ءجاسوسپىرىمدى بايقاعان. مالىمەت بويىنشا، ءجاسوسپىرىم پوليتسەيدىڭ توقتاۋ سيگنالىنا جاۋاپ بەرمەي، قاشقان. قۋ بارىسىندا موتوتسيكلشى جولدان شىعىپ، كولىگىن باسقارا الماي، جەرگە قۇلاپ تۇسەدى.
“وسى ساتتە ينسپەكتور قاۋىپسىزدىك شارالارىن ساقتاماي، جول ءجۇرۋ ەرەجەلەرىن ورەسكەل بۇزىپ، ءجاسوسپىرىمدى قاعىپ كەتەدى. ءجاسوسپىرىم وقيعا ورنىندا ەسىن جيماستان قازا تاپتى”، – دەپ مالىمدەدى سوتتا.
سوتتا ايىپتالۋشى كىناسىن مويىنداعان. سوت بۇرىنعى پوليتسەيگە 2 جىل مەرزىمگە باس بوستاندىعىنان ايىرۋ جانە 5 جىل مەرزىمگە كولىك قۇرالىن باسقارۋ قۇقىعىنان ايىرۋ جازاسىن تاعايىندادى.
