شىمكەنتتە ەر ادامدار اراسىندا جانجال شىعىپ، سوڭى اتىسپەن اياقتالدى، دەپ حابارلايدى “ادىرنا” ۇلتتىق پورتالى.
جانجال بارىسىندا ۇستەل باسىندا بىرگە وتىرعان ەر ادام تراۆماتيكالىق تاپانشاسىن الىپ، جولداسىنىڭ بەتىنەن ەكى رەت وق اتقان. زارداپ شەگۋشى امان قالىپ، اۋرۋحاناعا جاتقىزىلدى.
«كۇدىكتى انىقتالىپ، قاماۋعا الىندى. ايعاقتى زاتتار الىنىپ، ساراپتاما تاعايىندالدى. "دەنساۋلىققا قاساقانا اۋىر زيان كەلتىرۋ" بابى بويىنشا قىلمىستىق ءىس قوزعالدى. تەرگەۋ شارالارى جۇرگىزىلۋدە»، - دەپ ءتۇسىندىردى شىمكەنت قالالىق ءىىد ءباسپاسوز قىزمەتى.
ايتا كەتەيىك، Otyrar سايتىنىڭ مالىمەتىنشە، سوت كۇدىكتىنى تەرگەۋ مەرزىمىنە قاماۋعا الماي، 16 ميلليون تەڭگە كەپىلمەن بوساتقان. بىراق سوتقا «كەپىل» تۇرىندەگى بۇلتارتپاۋ شاراسىنىڭ كۇشى جويىلعانى تۋرالى حابارلاندى.
«قىلمىستىق ىستەر جونىندەگى سوت القاسىنىڭ 22 قازانداعى قاۋلىسىمەن كۇدىكتىگە قاتىستى «كەپىل» تۇرىندەگى بۇلتارتپاۋ شاراسىنىڭ كۇشى جويىلدى. ەكى ايعا «قاماۋ» تۇرىندەگى بۇلتارتپاۋ شاراسى سانكتسيالاندى. قاۋلى زاڭدى كۇشىنە ەندى»، - دەلىنگەن سوت حابارلاماسىندا.
