قازاقستان قۇراماسى سلوۆەنيادان جەڭىلىپ قالدى

فۋتبولدان ۇلتتىق قۇراما ۋەفا ۇلتتار ليگاسىنىڭ 4-تۋر اياسىندا سلوۆەنيا قۇراماسىمەن كەزدەستى، دەپ حابارلايدى «ادىرنا» ۇلتتىق پورتالى. الماتىداعى ورتالىق ستاديوندا وتكەن ويىن 0:1 ەسەبىمەن اياقتالدى.بۇل ماتچتاعى جالعىز گولدى سلوۆەنيا قۇراماسىنىڭ شابۋىلشىسى يان ملاكار 55-مينۋتتا سوقتى. ەسكە سالايىق، قازاقستان قۇراماسى ۇلتتار ليگاسىنداعى العاشقى كەزدەسۋىن نورۆەگيامەن سەنساتسيالىق تەڭ ويىنمەن (0:0) باستادى، بىراق ودان كەيىن ەكى ءىرى جەڭىلىسكە ۇشىرادى: الدىمەن ستانيسلاۆ چەرچەسوۆتىڭ شاكىرتتەرى قوناقتا سلوۆەنيادان (0:3) جەڭىلسە، كەيىن اۆستريا قۇراماسىنان سىرت الاڭدا (0:4) ۇتىلدى. سلوۆەنيا قۇراماسىنىڭ ۇلتتار ليگاسىنداعى العاشقى ويىندارىنا كەلەتىن بولساق، ولار قازاقستاندى جەڭۋدەن بولەك، اۆستريامەن تەڭ ويناپ (1:1), نورۆەگيادان (0:3) جەڭىلىس تاپتى.