تالعارداعى قايعىلى وقيعاعا بايلانىستى مارقۇمنىڭ اكەسىن بەلگىسىز بىرەۋلەردىڭ قورقىتىپ جۇرگەنى ايتىلدى، دەپ حابارلايدى "ادىرنا" ۇلتتىق پورتالى.
ۇلىسمەديا مالىمەتىنشە، شەرزات بولاتتىڭ اجەسى جۇمابيكە نۇرىموۆا ۇلى قارجاۋباي نۇرىموۆقا بىرەۋلەر حابارلاسىپ، قوقان-لوققى جاساپ جاتقانىن حابارلادى.
"بالاما قوڭىراۋ سوعىپ، «بالاڭنىڭ جانىنان كورىڭدى قازا بەر» دەپ قورقىتىپ جاتىر. بىزگە كومەككە ادام كەرەك. كەلگەن اكىمدەرگە دە، جۋرناليستەرگە دە ايتىپ جاتىرمىن. كورشىلەر ۇيىڭىزگە ادامدار كىرگەن دەپ ايتىپ جاتىر. ەسىكتى اشىپ، كىرگەن، ارالاپ جۇرگەن، بىراق ەشتەڭە الماعان دەگەندى ايتتى. كورشىلەر قاراۋىلدا وتىر. بالالار قورقىپ، «ۇيگە بارايىق» دەدى. مەن «جوق، بالامنىڭ قىرقى ءوتسىن، ماسەلەنى بىرجاقتى ەتىپ الايىق، قاتارلاسىپ جاتساق تا وسى ۇيدە بولىڭدار» دەدىم. رۇقسات بەرمەدىم. سونىڭ ارقاسىندا ولار امان قالدى.
ءبىر كورشىم «تاتە، كەشە ساعات 5-تە جۇمىسقا كەتىپ بارا جاتقاندا ءنومىرسىز ەكى «مەرسەدەس» كولىگى كوشەنى اينالىپ جۇرگەن، سوسىن كەتىپ بارا جاتقان سوڭ سىزدەردى شوشىتپايىن دەپ ايتپادىم. تاڭەرتەڭ قايتىپ كەلە جاتسام، سول كولىكتەر تاعى تۇر ەكەن. جوعارى ورگاندارعا ايتپادىڭىزدار ما ادام بەرسىن دەپ» دەدى. مىنە، ءۇي ورتەندى، بالام ءولدى. سودان كەيىن عانا كۇزەتۋگە ەسىگىمىزدىڭ الدىنا پاترۋل كولىگىن بەردى. وعان دەيىن ۇكىمەتىمىز قيمىلداۋعا بولاتىن ەدى. مەنىڭ تاڭعالاتىنىم، ولاردىڭ (قىلمىس جاساعان ادامداردىڭ – رەد.) ۇيىنە، كوشەسىنە پاترۋل كولىگىن بەرىپ قويىپتى. ءبىزدى شابۋىلدايدى دەپ. ۇكىمەت سولاردىڭ ءسوزىن سويلەپ تۇرعان سياقتى", - دەيدى مارقۇم شەرزات بولاتتىڭ اجەسى.
ايتا كەتەيىك، تالعاردا كىسى قولىنان قۇربان بولعان شەرزات بولاتتىڭ اكەسى قارجاۋباي نۇرىموۆ قازاقستاندىقتارعا ۇندەۋ جاساعان ەدى.
