مارقۇم شەرزات پولاتتىڭ قازاسىنا قاتىستى سوت ناۋرىز ايىندا باستالۋى مۇمكىن، دەپ حابارلايدى "ادىرنا" ۇلتتىق پورتالى Dalanews-كە سىلتەپ.
بۇل تۋرالى وتباسىنىڭ ادۆوكاتى سايدا تاۋەكەلوۆا مالىمدەدى.
ء“ىس تولىق زەرتتەلىپ بولعاننان كەيىن سوت ۋاقىتى بەلگىلى بولادى. مەنىڭ بولجامىم بويىنشا، بۇل ناۋرىزعا دەيىن سوزىلۋى مۇمكىن. ويتكەنى بىزدە قىلمىسقا قاتىسى بارلار كوپ”، – دەدى سايدا.
ىسكە قاتىستى قازىرگى تاڭدا كىنالى دەپ تانىلعان 11 ادام ۇستالىپ، ۋاقىتشا ۇستاۋ يزولياتورىنا قاماۋعا الىنعانى بەلگىلى.
شەرزاتتىڭ ولىمىنەن سوڭ 9 جەلتوقساندا مارقۇمنىڭ اعاسى نۇرقانات عايىپباەۆ تا اجال قۇشتى. پوليتسيا دەپارتامەنتى ونىڭ سۋيتسيد
جاساعانىن مالىمدەدى. وعان دالەل رەتىندە پوليتسەيلەر نۇرقاناتتىڭ تۋىسىنا مەسسەندجەر ارقىلى جازعان حاتىن جاريا ەتتى.
"سوت-مەديتسينالىق ساراپتامانىڭ الدىن الا بولجامى بوي̆ىنشا، 9 جەلتوقساندا تالعاردىڭ شەتىندە تابىلعان 30 جاستاعى ەر ادامنىڭ ءماي̆ىتى ءوزىن-ءوزى اسۋ ارقىلى مەحانيكالىق اسفيكسيا ناتيجەسىندە بولعانىن كورسەتتى. دەنەسىندە زورلىق-زومبىلىق سيپاتتاعى بەلگىلەر جوق. ساراپشىلارمەن انىقتالعان دەنە جاراقاتتارى، مىسالى، سترانگۋلياتسيالىق جانە موي̆ىننىڭ ابرازيالارى اسىلعان ءجىپتى قولدانعان كەزىندە پاي̆دا بولاتىن جاراقاتتارعا ساي̆كەس كەلەتىنىن كورسەتتى. بارلىق بەلگىلەر ءسۋيتسيدتى كورسەتەدى، موي̆ىنىنداعى زاقىمدانۋ سيپاتى مۇنداي̆ جاعداي̆لارعا ءتان", - دەلىنگەن حابارلامادا.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز