مەملەكەت جانە قوعام قايراتكەرى، ساياساتكەر تولەن توقتاسىنوۆ 61 جاسىندا ومىردەن ءوتتى، دەپ حابارلايدى «ادىرنا» ۇلتتىق پورتالى.
تولەن توقتاسىنوۆ كوزى تىرىسىندە قر پارلامەنتى ءماجىلىسىنىڭ دەپۋتاتى. ەكولوگيا جانە تابيعاتتى پايدالانۋ كوميتەتىنىڭ مۇشەسى، «ەكولوگيا» دەپۋتاتتىق توبىنىڭ جەتەكشىسى قىزمەتتەرىن اتقاردى. سونىمەن قاتار، «قازاقستاننىڭ دەموكراتيالىق تاڭداۋى» قوزعالىسىنىڭ قۇرىلتايشىلارىنىڭ ءبىرى بولدى.
قارالى حاباردى بەلگىلى كاسىپكەر احمەتبەك نۇرسيلا جەلى پاراقشاسىندا جازدى.
«كەشە تۇندە جان دوسىم تولەن مۇحامەديۇلى توقتاسىن، اۋىر دەرتپەن جارتى جىل ارپالىسىپ جەڭە الماي، اقىرى ماڭگىلىك مەكەنىنە اتتانىپ كەتتى. باقۇل بول توكە، سەنى جاقسى تانيتىن جاقىندارىڭنىڭ، حالقىڭنىڭ جادىسىندا ارىن جوعارى ۇستاعان، جاسامپاز ازامات رەتىندە ەسىندە ماڭگىلىك قالاسىڭ!
سۇيەگىن تۋعان قالاسى سەمەيگە اپارىپ، اناسىنىڭ قاسىنا قويامىز دەپ شەشتىك...»، - دەلىنگەن جازبادا.
ەسكە سالا كەتەيىك، تولەن توقتاسىنوۆ پەن بۇرىنعى دوسى عالىمجان جاقيانوۆ اراسىندا مۇلىك داۋى تۋىنداعان ەدى. بۇل ماسەلەنىڭ قالاي باستالعانى تۋرالى بۇرىن دا جازدىق.
