قازاقستان پوليتسياسى ۇلكەن كولەمدەگى ەسىرتكى ساتاتىن ءىرى ارنانى جويدى، - دەپ حابارلايدى “ادىرنا” ءتىلشىسى قر ءىىم ءباسپاسوز قىزمەتىنە سىلتەمە جاساپ.
ءتارتىپ ساقشىلارى جۇرگىزگەن جەدەل-ىزدەستىرۋ ءىس-شارالارىنىڭ ناتيجەسىندە اقمولا وبلىسىنىڭ اۋماعىنا ءىرى كولەمدە ەسىرتكى جەتكىزۋشىنىڭ ىسىنە توسقاۋىل قويىلدى.
اقمولالىق جەدەل ۋاكىلدەر ەلوردادا ۇستاۋ كەزىندە زاڭسىز اينالىمنان 34 كەلىگە جۋىق ماريحۋانا تاركىلەدى. بۇل — قارا نارىقتاعى قۇنى 34 ملن تەڭگەنى قۇرايتىن 7 مىڭعا جۋىق دوزاعا تەڭ. سونىمەن قاتار قۇنى 5 ملن تەڭگە بولاتىن 500-دەن استام دوزاعا تەڭ 2 كەلىدەن استام گاشيش تابىلدى.
54 جاستاعى ەر ادام ەسىرتكىنى تەك ءوزىنىڭ ۇيىندە عانا ەمەس، جالعا الىنعان جەرتولەدە دە ساقتاعان. مۇندا پوليتسيا قىزمەتكەرلەرى ەسىرتكى زاتتارىن وراۋعا ارنالعان قۇرىلعىلاردى تاركىلەدى.
وسى دەرەك بويىنشا سوتقا دەيىنگى تەرگەۋ جۇرگىزىلىپ جاتىر. كۇدىكتى قاماۋعا الىندى.
