Qazaqstan polisiiasy ülken kölemdegı esırtkı satatyn ırı arnany joidy, - dep habarlaidy “Adyrna” tılşısı QR IIM baspasöz qyzmetıne sılteme jasap.
Tärtıp saqşylary jürgızgen jedel-ızdestıru ıs-şaralarynyŋ nätijesınde Aqmola oblysynyŋ aumaǧyna ırı kölemde esırtkı jetkızuşınıŋ ısıne tosqauyl qoiyldy.
Aqmolalyq jedel uäkılder elordada ūstau kezınde zaŋsyz ainalymnan 34 kelıge juyq marihuana tärkıledı. Būl — qara naryqtaǧy qūny 34 mln teŋgenı qūraityn 7 myŋǧa juyq dozaǧa teŋ. Sonymen qatar qūny 5 mln teŋge bolatyn 500-den astam dozaǧa teŋ 2 kelıden astam gaşiş tabyldy.
54 jastaǧy er adam esırtkını tek özınıŋ üiınde ǧana emes, jalǧa alynǧan jertölede de saqtaǧan. Mūnda polisiia qyzmetkerlerı esırtkı zattaryn orauǧa arnalǧan qūrylǧylardy tärkıledı.
Osy derek boiynşa sotqa deiıngı tergeu jürgızılıp jatyr. Küdıktı qamauǧa alyndy.
Ūqsas jaŋalyqtar
