بۇگىن «ۇركەر-2024» ۇلتتىق سىيلىعىنىڭ جەڭىمپازدارى انىقتالدى، دەپ حابارلايدى «ادىرنا» ۇلتتىق پورتالى.
مادەنيەت جانە اقپارات مينيسترلىگىنىڭ باستاماسىمەن 2017 جىلدان باستاپ وتكىزىلىپ كەلەدى. «بايقاۋعا باسپا، راديو، ينتەرنەت-جۋرناليستيكا سالاسىنداعى تالانتتى جۋرناليستەر مەن شىعارماشىلىق ۇجىمدار قاتىسادى. «ۇركەر» ۇلتتىق سىيلىعىنا بيىل 400-گە جۋىق ءوتىنىش كەلىپ تۇسكەن. باق وكىلدەرى 12 نوميناتسيا بويىنشا باق سىنادى. ايتا كەتەيىك، كەلىپ تۇسكەن جۇمىستاردى بەدەلدى جۋرناليستەر، سالانىڭ ەڭبەك سىڭىرگەن قايراتكەرلەرى مەن حالىقارالىق مەديا-ساراپشىلاردان قۇرالعان تاۋەلسىز قازىلار القاسى باعالادى.
«ۇركەر» سىيلىعىنىڭ جەڭىمپازدارى:
- جىلدىڭ ۇزدىك سۇحباتى – نۇرلان ورازعاليەۆ (Inbusiness.kz);
- جىلدىڭ ۇزدىك رەپورتاجى – يۋليا ابراموۆا (Nur.kz);
- الەۋمەتتىك تاقىرىپتاعى ۇزدىك ماتەريال – كسەنيا ەۆدوكيمەنكو (Time.kz);
- جىلدىڭ ۇزدىك جۋرناليستىك زەرتتەۋى – نۇرلات بايكەنجە (استانا اقشامى گازەتى);
- جىلدىڭ ۇزدىك اناليتيكالىق ماتەريالى – تيمۋر نيتاليەۆ (Ulysmedia.kz);
- راديوستانتسياداعى ۇزدىك جوبا – قىمبات دوسجان (قازاق راديوسى);
- جىلدىڭ ۇزدىك فوتوسۋرەتى – سالي سابيروۆ (Olympic.kz);
- جىلدىڭ ۇزدىك جاڭالىقتار پورتالى – Abai.kz;
- ۇزدىك وڭىرلىك باق – ناش كوستاناي گازەتى;
- حالىقارالىق باق-تا قازاقستان تۋرالى جاريالانعان ۇزدىك ماتەريال (باسپا، راديو، ينتەرنەت-جۋرناليستيكا سالاسىندا) – تورعىن اشەنوۆا (ومبى قازاقتارى گازەتى);
- ۇزدىك پودكاست – NeQuryltay;
- ۇزدىك YouTube كانالى – Sayahat Time (balbal.kz)
ءار نوميناتسيانىڭ جەڭىمپازىنا «ۇركەر- 2024» ەستەلىك مۇسىنشەسى مەن 1 000 000 تەڭگە كولەمىندە اقشالاي سىياقى تابىستالدى. اتالعان 12 نوميناتسيادان بولەك، مادەنيەت جانە اقپارات ءمينيسترى ايدا بالاەۆا «ۆرەميا» گازەتى ۇجىمىنا ارنايى سىيلىق تارتۋ ەتتى. ال، بەردىبەك سوقپاقباەۆتىڭ 100 جىلدىق مەرەيتويىنا ارنالعان ماراپاتتى «زاڭ» گازەتى يەلەندى.
