ماڭعىستاۋ وبلىسىندا ەر ادام جەدەل جاردەم مەن پوليتسيا قىزمەتكەرلەرىنە كۇش قولدانعانى انىقتالدى، دەپ حابارلايدى “ادىرنا” ۇلتتىق پورتالى.
Lada.kz مالىمەتىنشە، تۇرعىن ءبىر ايەلگە قول كوتەرگەن.
ال اق حالاتتىلار ايەلدىڭ دوسى باسىنا اينەك سۇعىپ العانى حابارلانعان قوڭىراۋدىڭ تۇسكەنىن ايتادى. ەر ادام 40 جاستاعى ايەلگە شۇعىل كومەك كورسەتۋگە بارعان فەلدشەرلەرگە دە تاپ بەرگەن. ارتىنشا تۇرعىن جەدەل جاردەم كولىگىنىڭ اينەگىن سىندىرىپ، شابۋىلداعان.
وڭىرلىك پوليتسيا دەپارتامەنتىنىڭ ءباسپاسوز قىزمەتى وقيعانىڭ 20 قىركۇيەكتە بەينەۋ اۋدانىندا تۇستەن كەيىن بولعانىن مالىمدەدى.
”بيلىك وكىلىنە قاتىستى قاتەر ءتوندىرۋ نەمەسە زورلىق-زومبىلىق فاكتىسى بويىنشا سوتقا دەيىنگى تەرگەۋ شارالارى قولعا الىندى. ەر ادام ۇستالىپ، ۋاقىتشا ۇستاۋ يزولياتورىنا قامالدى. ول ماس بولىپ، زاڭسىز ارەكەتتەردىڭ جولىن كەسۋ كەزىندە پوليتسەيلەرگە قارسىلىق تانىتقان”، – دەلىنگەن پد تاراتقان حابارلامادا.
