قر پرەزيدەنتى جانىنداعى «ورتالىق كوممۋنيكاتسيالار قىزمەتى» الاڭىندا «اسكەري قىزمەت قاۋىپسىزدىگىن قامتاماسىز ەتۋ: قابىلدانعان شارالار جانە قۇقىق بۇزۋشىلىقتىڭ الدىن الۋ» تاقىرىبىندا ءباسپاسوز ءماسليحاتى ءوتتى، دەپ حابارلايدى “ادىرنا” ۇلتتىق پورتالى.
«ەلىمىزدە ساربازداردىڭ قازاسى كوبەيىپ كەتتى. بۇعان قورعانىس ءمينيسترىنىڭ تاربيە جانە يدەولوگيالىق جۇمىسقا جاۋاپتى ورىنباسارى شايح-حاسان جازىقباەۆقا ايىپتى ەمەس پە؟ اسكەردەگى توسىن جاعدايعا بايلانىستى ۆيتسە-مينيستر وتستاۆكاعا كەتۋ كەرەك شىعار» دەگەن ءجۋرناليستىڭ سۇراعىنا شايح-حاسان ساتارقۇلۇلىنىڭ ءوزى جاۋاپ بەردى.
«الدىندا ستاتيستيكانى كورسەتتىك قوي. ال ءسىز «ساربازداردىڭ قايتىس بولۋى كوبەيىپ كەتتى» دەپ ايتىپ وتىرسىز. ءبىز كەلتىرگەن ستاتيستيكانى تىڭداساڭىز، جىلدان جىلعا كوبەيىپ جاتقان جوق، كەرىسىنشە ازايىپ جاتىر. ەكىنشىدەن، مەنىڭ وسى لاۋازىمدى ارى قاراي جالعاستىرۋىم قورعانىس ءمينيسترى مەن باس قولباسشىمىز پرەزيدەنتىمىزدىڭ قۇزىرىندا. قالاي ايتسا، مەن وعان دايىنمىن – دەدى ول.
