سەمەيدە اباي وبلىسىنىڭ تۇرعىنى سيىرلارىن كولىككە مىنگەستىرىپ، تاسىمالداعان. پوليتسيا ەر ادامدى انىقتادى، - دەپ حابارلايدى "ادىرنا" ۇلتتىق پورتالى.
بۇعان دەيىن الەۋمەتتىك جەلىدە «جيگۋلي» كولىگىنىڭ جۇرگىزۋشىسىنىڭ كولىك ىشىندە سيىرلاردى تيەپ الىپ بارا جاتقان ۆيدەوسى تاراعان ەدى. كادرلاردان ارتقى ورىندىقتا «جايعاسىپ» وتىرعان ەكى سيىردى كورۋگە بولادى.
پوليتسەيلەر جۇرگىزۋشىنىڭ كىم ەكەنىن انىقتادى.
"35 جاستاعى ۆاز-21060 كولىگىنىڭ جۇرگىزۋشىسى جولاۋشىلار مەن جۇكتەردى تاسىمالداۋ ەرەجەلەرىن ساقتاماعانى ءۇشىن اكىمشىلىك جاۋاپكەرشىلىككە تارتىلدى. وسى باپتىڭ سانكتسياسىمەن بەس ايلىق ەسەپتىك كورسەتكىش مولشەرىندە ايىپپۇل كوزدەلگەن" دەلىنگەن پد ءباسپاسوز قىزمەتىنەن.
