سارحات بەيسەنوۆا دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتىنىڭ توراعاسى – قر باس مەملەكەتتىك سانيتارلىق دارىگەرى قىزمەتىنە تاعايىندالدى، دەپ حابارلايدى “ادىرنا” ۇلتتىق پورتالى.
بۇل تۋرالى ۇكىمەتتىڭ ءباسپاسوز قىزمەتى حابارلادى. بۇعان دەيىن باس سانيتار دارىگەر ايجان ەسماعامبەتوۆا بولعان. بيىل شىلدەدە ول دەنساۋلىق ساقتاۋ ۆيتسە-ءمينيسترى – باس سانيتار دارىگەر قىزمەتىنەن بوساتىلدى.
سارحات بەيسەنوۆا 1972 جىلى اقمولا وبلىسىندا دۇنيەگە كەلگەن. قاراعاندى مەملەكەتتىك مەديتسينا ينستيتۋتىن، تۇران-استانا ۋنيۆەرسيتەتىن بىتىرگەن. 2020 جىلدان باستاپ قازىرگى ۋاقىتقا دەيىن استانا قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى بولعان.
ول ەڭبەك جولىن 1989 جىلى اقمولا وبلىستىق ونكولوگيا ديسپانسەرىندە سانيتار بولىپ باستاعان.
2015-2017 جىلدارى — ۇلتتىق ەكونوميكا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتى استانا قالاسى تۇتىنۋشىلاردىڭ قۇقىقتارىن قورعاۋ دەپارتامەنتى باسشىسىنىڭ ورىنباسارى بولدى.
2017-2019 جىلدارى — دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ كوميتەتىنىڭ استانا قالاسى قوعامدىق دەنساۋلىق ساقتاۋ دەپارتامەنتى باسشىسىنىڭ ورىنباسارى بولىپ قىزمەت اتقاردى.
2019-2020 جىلدارى — دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى استانا قالاسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى بولدى.
