جوعارعى ەسەپ سوتى قازاقستانداعى جول قۇرىلىسىنداعى نەگىزگى كەمشىلىكتەردى اتادى. بۇۇ مۇشەسى ارداق تەڭگەباەۆتىڭ ايتۋىنشا، ەلىمىزدە جوبانى جۇزەگە اسىرۋ مەرزىمدەرى قاتايتىلىپ جاتىر، دەپ حابارلايدى “ادىرنا” ۇلتتىق پورتالى.
جوعارعى ەسەپ سوتىنىڭ باعالاۋىنشا مەملەكەتتىك كەپىلدىك بويىنشا نەسيەلەر ەسەبىنەن رەسپۋبليكالىق ماڭىزى بار اۆتوموبيل جولدارىن سالۋ جانە رەكونسترۋكتسيالاۋ جوبالارىنىڭ باسىمدىعى بويىنشا سارالاۋ تىكەلەي جانە جاناما ەكونوميكالىق تيىمدىلىكتى باعالاۋدى ەسكەرە وتىرىپ جۇزەگە اسىرىلۋى ءتيىس.
«جقب جوبالاردى ىسكە اسىرۋدىڭ كەشىگۋ سەبەبىن اتاپ ءوتتى. ماسەلەن، ستاندارتتى قۇرىلىستىڭ ورتاشا ۇزاقتىعى ءۇش جىلدىق ورتاشا جوبانى ىسكە اسىرۋدىڭ ناقتى ورتاشا مەرزىمى بەس جىلدان التى جىلعا دەيىن»، - دەدى ارداق تەڭگەباەۆ ءماجىلىس وتىرىسىندا.
قر قارجى مينيسترلىگىنىڭ مالىمەتى بويىنشا، 2024 جىلى كولىك مينيسترلىگى ۇلتتىق قوردان 213 ميلليارد تەڭگەدەن استام قارجى العان. قاراجات جولداردى جوندەۋ مەن كۇتىپ ۇستاۋعا، سونداي-اق ازاماتتىق اۆياتسيانى دامىتۋعا جۇمسالادى. ونىڭ ىشىندە رەسپۋبليكالىق ماڭىزى بار اۆتوموبيل جولدارىن دامىتۋعا 96,1 ملرد تەڭگە، جالپى پايدالانىمداعى اۆتوموبيل جولدارىن جوندەۋ مەن كۇتىپ ۇستاۋعا تاعى 68,26 ملرد تەڭگە بولىنەدى.
بۇعان دەيىن قازاقستاننىڭ كولىك مينيسترلىگى جول جۇمىستارىنىڭ بارىسى تۋرالى حابارلاعان بولاتىن. 2024 جىلى قازاقستاندا جالپى ۇزىندىعى شامامەن 900 شاقىرىمدى قۇرايتىن رەسپۋبليكالىق جولداردى اۋقىمدى جاڭعىرتۋ جۇمىستارىنىڭ نەگىزگى كەزەڭدەرى اياقتالادى.
