اقتوبە تۇرعىنى پوليتسەي بولىپ كيىنىپ، ءوتىپ بارا جاتقان ادامداردى توناعان. بۇل تۋرالى «دياپازون» باسىلىمى جاريالادى، دەپ حابارلايدى “ادىرنا” ۇلتتىق پورتالى.
اقپارات بويىنشا، ءبىرىنشى جاعدايدا ول كوشەدە كەتىپ بارا جاتقان ەر ادامعا جاقىنداپ، ءوزىن پوليتسيا قىزمەتكەرى رەتىندە تانىستىرىپ، قۇجاتتارىن كورسەتۋدى سۇراعانى. بەيتانىس ادام قورقىپ كەتىپ، قولىندا قۇجاتتارى بولماعاندىقتان، تەلەفونى ارقىلى تسيفرلىق كۋالىگىن كورسەتكەن. جالعان پوليتسيا قىزمەتكەرى قۇجاتتى كورۋ ءۇشىن تەلەفوندى قولىنا الىپ، ارى قاراي قاشىپ كەتكەن.
تاعى ءبىر جاعدايدا، ءوتىپ بارا جاتقان ادامنان قىمبات سىمسىز قۇلاققاپتارىن كورەدى. ول ءوزىن سول ستسەناري بويىنشا پوليتسيا قىزمەتكەرى رەتىندە تانىستىرىپ، ءدال وسىنداي قۇلاققاپتار بۇرىن ۇرلانعانىن ايتادى دا imei كودىن سالىستىرۋدى سۇرايدى. سودان ول پوليتسيا بولىمىنە بارۋدى ۇسىنادى، بىراق جولدا تاكسيگە قوڭىراۋ شالىپ، قاشىپ كەتۋگە تىرىستى. قۇلاققاپ يەسى جالعان پوليتسەيدىڭ ارەكەتىن ءتۇسىنىپ، جۇرگىزۋشىدەن توقتاۋىن وتىنەدى، الايدا ۇرى قاشىپ ۇلگەرەدى.
دەگەنمەن جالعان پوليتسيا قىزمەتكەرى كوپ ۇزاماي قولعا ءتۇستى. سوت ەر ادامدى زاڭسىز ارەكەتى ءۇشىن بەس جىلعا باس بوستاندىعىنان ايىردى.
