بۇگىن بەلگىلى عالىم، فيلوسوفيا عىلىمدارىنىڭ دوكتورى، پروفەسسور امانگەلدى ايتالىنىڭ تۋعانىنا - 85 جىل.
1939 جىلى 10 قىركۇيەكتە رەسەيدىڭ استراحان وبلىسى ۆولودارسك اۋدانىنا قاراستى بولدىرەۆو اۋىلىندا دۇنيەگە كەلگەن.
1959 – 1964 جىلدارى اقتوبە مەملەكەتتىك پەداگوگيكالىق ينستيتۋتىن، 1964 – 1967 جىلدارى ءال-فارابي اتىنداعى قازاق ۇلتتىق ۋنيۆەرسيتەتى (بۇرىنعى كيروۆ اتىنداعى قازاق مەملەكەتتىك ينستيتۋتىنىڭ) اسپيرانتۋراسىن بىتىرگەن.
1959 جىلى مارتوك اۋدانى، قىزىلتاڭ اۋىلىنىڭ مەكتەبىندە باستاۋىش سىنىبىنىڭ مۇعالىمى بولعان.
1968 جىلى اقتوبە مەملەكەتتىك پەداگوگيكا ينستيتۋتىندا اعا وقىتۋشى، 1970 – 1983 جىلى وسى ينستيتۋتتا فيلوسوفيا جانە عىلىمي كوممۋنيزم كافەدراسىنىڭ مەڭگەرۋشىسى، 1989 – 1995 جىلدارى اقتوبە مەملەكەتتىك پەداگوگيكالىق ينستيتۋتىندا عىلىمي جۇمىستار جونىندەگى پرورەكتورى، 1996 – 1999 جىلدارى ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ پروفەسسورى، فيلوسوفيا كافەدراسىنىڭ مەڭگەرۋشىسى، 1999 – 2007 جىلدارى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولدى.
2007 – 2010 جىلدارى قازاق گۋمانيتارلىق زاڭ ۋنيۆەرسيتەتىنىڭ پروفەسسورى، 2010 جىلدان اقتوبە مەملەكەتتىك پەداگوگيكالىق ينستيتۋتىندا پروفەسسورى، سونىمەن قاتار «ءبىلىم مەن تاربيەنىڭ دۇنيەتانىمدىلىق الەۋمەتتىك ماسەلەلەرىن زەرتتەۋ» ورتالىعىنىڭ جەتەكشىسى، 2013 جىلدان باستاپ ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ «الەۋمەتتىك ساياسي پاندەر» كافەدراسىنىڭ پروفەسسورى ، «ءبىلىم مەن تاربيەنىڭ دۇنيەتانىمدىلىق الەۋمەتتىك ماسەلەلەرىن زەرتتەۋ» ورتالىعىنىڭ جەتەكشىسى بولدى.
ودان بولەك، 100 دەن استام عىلىم ماقالالاردىڭ، 5 مونوگرافيانىڭ اۆتورى. «قۇرمەت» جانە «پاراسات» وردەندەرىمەن ماراپاتتالعان.
