ماڭعىستاۋ وبلىسىنداعى جولدىڭ بىرىندە قوقىس تاسيتىن كولىك جارىلعان. جارىلىستىڭ كۇشتى بولعانى سونشا، جاقىن ماڭداعى عيماراتتاردىڭ اينەگى قيراپ كەتكەن، - دەپ حابارلايدى “ادىرنا” ۇلتتىق پورتالى ماڭعىستاۋ وبلىسىنىڭ توتەنشە جاعدايلار دەپارتامەنتىنە سىلتەمە جاساپ.
7 قىركۇيەك كۇنى ساعات 12:01-دە مۇنايلى اۋدانىندا «ايگەرىم» مەيرامحاناسىنىڭ ماڭىنداعى جول بويىندا قوقىس تاسيتىن كولىك ورتەندى. كولىك ىشىندە بولعان گاز باللونى جارىلىپ، جارىلىس تولقىنى 20 مەتر قاشىقتىقتا ورنالاسقان ازىق-تۇلىك دۇكەنىنىڭ تەرەزەلەرىن سىندىرىپ، باننەرىنە زاقىم كەلتىرگەن.
قۇرباندار مەن زارداپ شەككەندەر جوق. ءورت ساعات 12:14-تە ءسوندىرىلدى. ءورتتى سوندىرۋگە جەتى ءورت ءسوندىرۋشى مەن ەكى تەحنيكا جۇمىلدىرىلدى.
