قىرعىزستان شەتەل ازاماتتارىنا جاڭا تالاپتار ەنگىزدى. بۇل تۋرالى قىرعىزستان تسيفرلىق دامۋ مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
"بۇل ەلدە جۇمىس ىستەۋگە، وقۋعا نەمەسە بيزنەسكە قاتىسى جوق جەكە سەبەپتەر بويىنشا 60 كۇننەن ارتىق بولۋدى جوسپارلاپ وتىرعان ازاماتتار ءۇشىن جاڭا ءتارتىپ ەنگىزىلگەن. ەندى تىركەلۋ ءۇشىن ولارعا ساپاردىڭ ماقساتىنا بايلانىستى رەسپۋبليكادا بولۋ قۇقىعىن راستايتىن قۇجات قاجەت بولادى", - دەپ حابارلادى قىرعىزستان تسيفرلىق دامۋ مينيسترلىگى.
جاڭا تالاپتار رەسەي، قازاقستان، تاجىكستان، ارمەنيا، بەلارۋس، گرۋزيا، ازەربايجان جانە مولدوۆا سياقتى ۆيزاسىز رەجيمى بار ەلدەردىڭ ازاماتتارىنا قاتىستى.
ال ەاەو ەلدەرىنىڭ (رەسەي، قازاقستان، ارمەنيا، بەلارۋس) ازاماتتارى قىرعىزستان اۋماعىندا 90 كۇنگە دەيىن تىركەۋسىز جۇرە الادى.
