پروكۋراتۋرا الماتى وبلىسى ىلە اۋدانىنىڭ اكىمى باعدات قاراساەۆقا قاتىستى قوزعالعان قىلمىستىق ءىستىڭ ءمان-جايىن انىقتادى، دەپ حابارلايدى "ادىرنا" ۇلتتىق پورتالى.
«الماتى وبلىسىنىڭ پروكۋراتۋراسى مەن سىبايلاس جەمقورلىققا قارسى قىزمەتى ىلە اۋدانىندا ورنالاسقان پوليگوننىڭ قىزمەتىن بىرلەسىپ تەكسەرۋدى اياقتادى. جەدەل ىزدەستىرۋ ءىس-شارالارىنىڭ ناتيجەسىندە 2024 جىلعى 3 قىركۇيەكتە اۋدان اكىمى قاراساەۆ ب.ا. سىبايلاس جەمقورلىق جاسادى دەگەن كۇدىكپەن قازاقستان رەسپۋبليكاسى قىلمىستىق-پروتسەستىك كودەكسىنىڭ 128-131-باپتارىنا سايكەس ۇستالدى. وعان كاسىپكەرلىك قىزمەتكە زاڭسىز قاتىسقان، لاۋازىمدىق وكىلەتتىكتەرىن اسىرا پايدالانعان جانە مەملەكەتتىك مۇددەگە زيان كەلتىرگەن دەگەن ايىپ تاعىلدى»، - دەپ حابارلادى سارسەنبىدە الماتى وبلىستىق پروكۋراتۋراسىنىڭ ءباسپاسوز قىزمەتى.
بۇل قىلمىستار ءۇشىن مۇلكى تاركىلەنىپ، 10 جىلعا دەيىن باس بوستاندىعىنان ايىرۋ جازاسى قاراستىرىلعانى اتاپ ءوتىلدى.
«2024 جىلدىڭ 4 قىركۇيەگىندە پروكۋراتۋرا بۇلتارتپاۋ شاراسىن قولدانۋ ءۇشىن قىلمىستىق ءىس ماتەريالدارىن سوتقا جىبەردى»، - دەپ تولىقتىردى قاداعالاۋ ورگانى.
ەسكە سالا كەتەيىك، بۇعان دەيىن قاراساەۆتىڭ ۇستالعانى تۋرالى حابارلاعان بولاتىنبىز.
قاراساەۆ 2018 جىلدىڭ قىركۇيەگىنەن باستاپ ىلە اۋدانىنا باسشىلىققا كەلدى. وعان دەيىن الماتى وبلىسى اكىمىنىڭ كەڭەسشىسى، تالدىقورعان قالاسىنىڭ اكىمى بولدى، وبلىستىق اپپاراتتى باسقاردى.
