Telegram نەگىزىن قالاۋشى پاۆەل دۋروۆتىڭ پاريجدە قامالىپ، كەيىن بوساپ شىققاننان كەيىن قالا كوشەلەرىندەگى فوتوسى پايدا بولدى. فوتوسۋرەتتەردى فرانتسۋزدىق Paris Match باسىلىمى جاريالادى، دەپ حابارلايدى “ادىرنا” ءتىلشىسى.
فوتودا كاسىپكەر وزىنەن 15 جاس كىشى قالىڭدىعى يۋليا ۆاۆيلوۆامەن بىرگە ءجۇر.
سۋرەتتەردەن قارا كيىم مەن بەيسبولكا كيىپ، كوزىلدىرىك تاققان دۋروۆقا ۇقسايتىن ادام جاس ايەلمەن بىرگە ەليسەي القاپتارىن ارالاپ جۇرگەنىن بايقاۋعا بولادى.
اقپاراتقا سايكەس، فوتوسۋرەتتەر دۋروۆ 28 تامىزدا بەس ميلليون ەۋرو كەپىلاقىمەن بوساپ شىعىپ، فرانتسيادان كەتۋگە تىيىم سالىنعاننان كەيىن تۇسىرىلگەن.
