استاناداعى «دۋمان» قوناق ءۇيى داريعا نازارباەۆاعا قاتىسى بار كومپانيادان الىندى، دەپ حابارلايدى “ادىرنا” ۇلتتىق پورتالى قازتاگ اگەنتتىگىنە سىلتەپ.
«قايتارىلعان اكتيۆتەردى باسقارۋ كومپانياسى» جشس بالانسىنا جالپى سوماسى 89,9 ملرد تەڭگەنى قۇرايتىن 70 اكتيۆ (سونىڭ ىشىندە 2,8 ملرد تەڭگەنىڭ زەرگەرلىك بۇيىمدارى) بەرىلدى. بۇل – تۇرعىن ۇيلەر، اكىمشىلىك عيماراتتار، «دۋمان» قوناق ءۇي كەشەنى، زاڭدى تۇلعالاردىڭ جارعىلىق كاپيتالىنداعى قاتىسۋ ۇلەستەرى («جاركەنت سۋ»، «تۇلپار»، وندىرىستىك بازا، اسحانا، جانار-جاعارماي قۇيۋ ستانتسياسى، جەر تەلىمدەرى، اياقتالماعان قۇرىلىس جانە ت.ب.”- دەپ حابارلادى قايتارىلعان اكتيۆتەردى باسقارۋ ءباسپاسوز قىزمەتى.
قازاقستاندا ءتورت اكتيۆ ساتىلدى: استاناداعى ەكى قاباتتى تۇرعىن ءۇي، سونداي-اق الماتىدا ءۇش اكتيۆ (بايتۇرسىنوۆ كوشەسى، 46-داعى اكىمشىلىك عيماراتى; ناۋرىزباي اۋدانىنداعى بايتاق ىقشام اۋدانىنداعى جەر ۋچاسكەسى جانە «وريون» بيزنەس ورتالىعى).
شەتەلدە ەكى اۆتوكولىك (Aston Martin, Rolls-Royce) بىرىككەن اراب امىرلىكتەرىندە جانە تۇركيادا ءۇش مۇلىك (مۋگلا پروۆينتسياسى، بودرۋم، گەكچەبەل اۋدانىنداعى ەكى تۇرعىن ءۇي جانە ستامبۇلداعى پاتەر) ساتىلدى.
«ازاتتىق راديوسى» بۇرىن «ارمانيا» جشس-نىڭ سوڭعى يەلەرى 2014 جىلى «دۋمان» قوناقۇيىن ساتىپ العان، كايرات شارىپباەۆ پەن داريعا نازارباەۆامەن بايلانىسى بارىن انىقتاعان بولاتىن.
2014 جىلدىڭ جازىندا قوناقۇي 14 ميلليارد تەڭگەگە ساۋدالاۋعا شىعارىلدى.
