ەندى قازاقستاندىقتارعا مەملەكەتتىك قىزمەتتى الۋ ءۇشىن حقكو-عا جۇگىنۋدىڭ قاجەتى جوق. ازاماتتار حالىققا قىزمەت كورسەتۋ ورتالىعىنىڭ قىزمەتكەرىن ۇيگە شاقىرا الادى. بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، جاڭا سەرۆيس ىسكە قوسىلدى. بەلگىلەنگەن ۋاقىتتا مامان كورسەتىلگەن مەكەنجاي بويىنشا كەلىپ، مەملەكەتتىك قىزمەتتى كورسەتە الادى.
حقكو-دان تىس جەردە مەنەدجەرلەر تولقۇجات، جەكە كۋالىك، جۇرگىزۋشى كۋالىگىن الۋ جانە كولىك قۇرالدارىن تىركەۋ سياقتى مەملەكەتتىك قىزمەت ءتۇرىنىڭ كەز كەلگەنىن كورسەتە الادى.
ايتا كەتەيىك، پيلوتتىق جوبا قازاقستاننىڭ بارلىق وڭىرلەرىندە ىسكە قوسىلدى. سەرۆيستى پايدالانۋ ءۇشىن مەملەكەتتىك كورپوراتسيانىڭ رەسمي سايتىندا «جەكە مەنەدجەردى ۇيگە شاقىرۋ» باتىرماسىن باسىپ، قاجەتتى مالىمەتتەردى تولتىرۋ قاجەت.
سونداي-اق، وتىنىمدەردى 1414 بىرىڭعاي بايلانىس ورتالىعى ارقىلى دا بەرۋگە بولادى.
