بىرىككەن اراب امىرلىكتەرىنىڭ سىرتقى ىستەر مينيسترلىگى فرانتسيادا قاماۋعا الىنعان ەل ازاماتىنا بارلىق قاجەتتى كونسۋلدىق قىزمەتتەر كورسەتۋدى سۇرادى، دەپ حابارلايدى “ادىرنا” ۇلتتىق پورتالى.
ءباا-ءنىڭ سىرتقى ىستەر مينيسترلىگىنىڭ رەسمي سايتىندا جاريالانعان دەرەك بويىنشا ەل بيلىگى دۋروۆقا قاتىستى ءىستى باقىلاۋعا العان.
«امىرلىكتەر لە بۋرجە اۋەجايىندا فرانتسۋز بيلىگى ۇستاعان Telegram الەۋمەتتىك جەلىسىنىڭ نەگىزىن قالاۋشى امىرلىك ازاماتى پاۆەل دۋروۆتىڭ ءىسىن مۇقيات قاداعالاپ وتىر. سونداي-اق فرانتسيا ۇكىمەتىنە ونى بارلىق قاجەتتى كونسۋلدىق قىزمەتتەرمەن شۇعىل تۇردە قامتاماسىز ەتۋ تۋرالى تالاپ قويىلدى»، – دەپ مالىمدەگەن ەلدىڭ سىرتقى ىستەر مينيسترلىگى.
ءباا ءوز ازاماتتارىنا قاتىستى ءىستىڭ بارلىق اسپەكتىلەرىنە قامقورلىق جاساۋ، قورعاۋ جانە باقىلاۋى امىرلىك ءۇشىن باسىمدىق بولىپ قالا بەرەتىنىن دە اتاپ ءوتتى.
ايتا كەتەيىك، فرانتسيا سوتى پاۆەل دۋروۆقا 12 ءتۇرلى ايىپ تاققان بولاتىن.
