فرانتسيانىڭ سوت ورگاندارى پاۆەل دۋروۆتى قاماۋعا الۋ مەرزىمىن ۇزارتتى، دەپ حابارلايدى "ادىرنا" ۇلتتىق پورتالى.
تەلەگرامدى ويلاپ تاپقان دۋروۆ پاريج اۋەجايىندا ءوزى جاساعان مەسسەندجەرگە قاتىستى قۇقىقبۇزۋشىلىقتاردى جاسادى دەگەن كۇدىكپەن قاماۋعا الىندى. ونى قاماۋعا الۋ تەرگەۋ سۋدياسىنىڭ شەشىمىمەن 96 ساعاتقا سوزىلۋى مۇمكىن.
وسى مەرزىم اياقتالعاننان كەيىن سۋديا ونى بوساتۋ نەمەسە قاماۋدا ۇستاۋ مەرزىمىن ۇزارتۋ تۋرالى شەشىم شىعارا الادى.
فرانتسيانىڭ ادىلەت مينيسترلىگى پاۆەل دۋروۆتى الاياقتىق، ەسىرتكى ساۋداسى، كيبەرقورلاۋ، ۇيىمداسقان قىلمىس جانە تەرروريزمدى ناسيحاتتاۋ سياقتى قىلمىستارعا قاتىستى الدىن الا تەرگەۋ اياسىندا تۇتقىنداۋعا وردەر بەردى.
ايتا كەتەيىك، فرانتسياداعى رەسەي ەلشىلىگى 24 تامىز كۇنى Telegram جەلىسىنىڭ نەگىزىن قالاۋشى پاۆەل دۋروۆتىڭ ۇستالعانى تۋرالى مالىمدەدى
