پاريج وليمپياداسىنىڭ كۇمىس جۇلدەگەرى دەمەۋ جادىراەۆ پەن قولا مەدال يەگەرى نازىم قىزايبايعا الماتى وبلىسىنىڭ اكىمى مارات ەلەۋسىزۇلى ءۇي سىيعا تارتتى، دەپ حابارلايدى “ادىرنا” ۇلتتىق پورتالى.
بۇل تۋرالى الەۋمەتتىك جەلىدە قانات ابىلقايىر ءبولىستى.
“الماتى وبلىسى اكىمى مارات ەلەۋسىزۇلى سۇلتانعازيەۆتىڭ باستاماسىمەن، وبلىستاعى كاسىپكەرلەردىڭ دەمەۋشىلىگىمەن پاريج وليمپياداسىنىڭ جۇلدەگەرلەرى دەمەۋ جادىراەۆقا 3 بولمەلى پاتەردىڭ كىلتى مەن 10 ملن. تەڭگە، نازىم قىزايبايعا 3 بولمەلى پاتەر مەن 2 ملن. تەڭگە تابىستالدى” دەپ جازدى ول.
سونداي-اق، باپكەرلەر دە سىيلىقسىز قالماعانى اتالدى.
“دەمەۋ جادراەۆتىڭ تۇڭعىش جانە قازىرگى باپكەرلەرىنە دە 2 بولمەلى پاتەر سىيلاندى. الماتى وبلىسىنان وليمپياداعا قاتىسقان سپورتشىلارعا 2 ملن تەڭگەدەن سەرتيفيكات تاپسىرىلدى” دەپ قوستى قانات ابىلقايىر.
كۇمىس جۇلدەگەر جادىراەۆ العىس رەتىندە كوپشىلىككە جەڭىس ءبيىن پاش ەتتى.
