وزبەكستان پاريجدەگى وليمپيادا ويىندارىندا مەدال ەسەبىندە قازاقستان قۇراماسىن باسىپ وزدى، دەپ حابارلايدى "ادىرنا" ۇلتتىق پورتالى.
كەشە، 8 تامىز كۇنى وزبەكستان سپورتشىلارى بىردەن ەكى التىن مەدال يەلەندى. 22 جاستاعى وزبەكستاندىق تاەكۆوندوشى ۇلىقبەك راشيدوۆ پەن 31 جاستاعى بوكسشى حاسانبوي دۋسماتوۆ ەل قورجىنىنا التىن سالدى. ەكەۋى دە ەكى دۇركىن وليمپيادا چەمپيونى اتانىپ وتىر.
وسىلايشا 206 ەلدىڭ ىشىندە وزبەكستان جالپى كوماندالىق ەسەپتە 18-ورىندى ەنشىلەدى. جالپى العاندا كورشى ەلدىڭ اكتيۆىندە ءۇش التىن جانە ەكى قولا بار. ال قازاقستان قۇراماسى 28-دەن 31-ءشى ورىنعا ءتۇستى. ءبىزدىڭ كوماندانىڭ قورجىنىندا جەتى مەدال بار - ءبىر التىن (دزيۋدوشى ەلدوس سمەتوۆ), ءۇش كۇمىس (گرەك-ريم ءستيلىنىڭ بالۋانى دەمەۋ جادراەۆ، گيمناست ناريمان قۇربانوۆ، بوكسشى نۇربەك ورالباي) جانە ءۇش قولا جۇلدە (دزيۋدوشى عۇسمان قىرعىزباەۆ، بوكسشى نازىم قىزايباي، مەرگەندەر الەكساندر لە جانە يسلام ساتباەۆ).
