7 تامىزدان 8 تامىزعا قاراعان ءتۇنى 2024 جىلعى پاريجدەگى وليمپيادادا فينالعا وتكەن قازاقتىڭ قوس سپورتشىسى كۇمىس جۇلدەگە يە بولدى، دەپ حابارلايدى “ادىرنا” ۇلتتىق پورتالى.
كۇمىسكە يە بولعان سپورتشىنىڭ ءبىرى –قازاق بالۋانى دەمەۋ جادىراەۆ. ول گرەك-ريم كۇرەسىنەن 77 كەلى سالماق دارەجەسىندەگى فينالدىق باسەكەدە جاپونيالىق ناو كۋساكاعا ەسە جىبەرىپ، پاريج وليمپياداسىنىڭ كۇمىس مەدالىن يەلەندى.
بۇل 20 جىلدان كەيىن العاش رەت گرەك-ريم كۇرەسىنەن قازاقستاندىق سپورتشىنىڭ فينالعا شىعۋى. 2004 جىلعى افينا وليمپياداسىندا اسا اۋىر سالماق دارەجەسىندە گەورگي تسۋرتسۋميا كۇمىس جۇلدەگە قول جەتكىزگەن ەدى.
ەكىنشى كۇمىستىڭ يەسى – بوكسشى نۇربەك ورالباي. 80 كەلى سالماق دارەجەسىندە پاريج شارشى الاڭىنا شىققان قازاقستاندىق بوكسشى فينالدا ۋكراينالىق الەكساندر حيجنياكقا ەسە جىبەردى.
