ورالدا 47 جاستاعى جۇمىسشى سۋ تاسقىنى كەزىندە قيراعان كوپىردى جوندەۋ كەزىندە سۋعا باتىپ كەتتى، دەپ حابارلايدى "ادىرنا" ۇلتتىق پورتالى «موي گورود»-قا سىلتەپ.
«6 تامىزدا شاعان وزەنىندەگى جاياۋ جۇرگىنشىلەر كوپىرىن جوندەۋ، قالپىنا كەلتىرۋ جۇمىستارى كەزىندە جاۋاپكەرشىلىگى شەكتەۋلى سەرىكتەستىكتەردىڭ ءبىرىنىڭ قىزمەتكەرى ابايسىزدا كوپىردەن قۇلاپ، سۋعا باتىپ كەتكەن. 47 جاستاعى ەر ادامدى قۇتقارۋ مۇمكىن بولمادى. ءمايىت سۋدان شىعارىلدى»، - دەپ حابارلادى بقو ءىىد ءباسپاسوز قىزمەتى.
وقيعا ورنىندا جەدەل-تەرگەۋ توبى جۇمىس ىستەپ جاتىر.
ەسكە سالا كەتەيىك، كوكتەمدە بۇل كوپىردە مۇز كەپتەلىپ، سالدارىنان كوپىر قيراعان. اۋىل تۇرعىندارى جەرگىلىكتى بيلىككە كوپىردى جاساپ بەرۋدى ءوتىنىپ، بىرنەشە رەت شاعىمدانعان. ويتكەنى قالادا جۇمىس ىتەيتىن تۇرعىندارعا ايتارلىقتاي زيانى تيگەن.
