قازاقستاندا “سىپايى ادامدار” بەلگىسى جابىستىرىلعان كولىك پايدا بولدى. بۇل تۋرالى الەۋمەتتىك جەلىدە سۋرەتتەر جاريالانۋدا، دەپ حابارلايدى “ادىرنا” ۇلتتىق پورتالى.
جەلىدە جاريالانعان سۋرەتتە قازاقستان نومىرىنە تىركەلگەن Chevrolet اۆتوكولىگىنىڭ ارتىنا “سىپايى ادامدار” بەلگىسى جابىستىرىلعان.
جەلى قولدانۋشىسى بۇل كولىكتى الماتى كوشەلەرىندە كورگەنىن ايتادى.
«قالداياقوۆ كوشەسىنىڭ بويىندا بوگەنباي باتىر كوشەسىنە جەتپەي ءبىر ايالداما ارتىنا كولىك توقتاپ قالدى. ماسەلە مىنادا، مۇنداي جاپسىرمالاردى كولىكتەرگە جاپسىرۋعا بولا ما؟ ەگەر ءيا نەمەسە تىيىم سالىنباعان بولسا، وندا ۇقساس جەرگىلىكتى ستيكەرلەردى شىعارۋ جانە تاراتۋ تۋرالى كوپتەگەن يدەيا بار. ولاي بولماسا، وسى كولىك يەسىنىڭ جاۋاپقا تارتىلۋىن سۇرايمىن.
مۇنداي جاپسىرمالار رەسەيدە دون جانە لۋگانسك وبلىستارىن باسىپ العاننان كەيىن جاپسىرا باستادى.
«سىپايى ادامدار» دەپ ۋكراينا تەرريتورياسىن اننەكسيالاۋ ءۇشىن سوعىس قيمىلدارىنا قاتىسقان جاۋىنگەرلەردى ايتامىز. ياعني، تۋرا ماعىناسىندا ولار باسقا مەملەكەتتىڭ باسىپ العانى تۋرالى اشىق ايتۋعا يتەرمەلەيدى. حالىق بۇل ادامداردى سەپاراتيزم سوزىنەن شىققاگن «سەپارنيا» سوزىمەن اتايدى. ايتىڭىزشى، بۇل جەردە ەكسترەميزمنىڭ بەلگىلەرى بار ما، جوق پا؟” دەپ جازدى جەلى قولدانۋشىسى.
ايتا كەتەيىك، «سىپايى ادامدار» 2014 جىلى ناۋرىزدا قىرىمدا بولعان «قىرىم كوكتەمى» دەپ اتالاتىن وقيعالاردان كەيىن قولدانىسقا ەنگەن تۇراقتى ءسوز تىركەسى. بۇل تەرمين وسى ۋاقىتتا ايماقتا بەلسەندى جۇمىس ىستەيتىن تاڭبالانباعان فورماداعى اسكەري قىزمەتكەرلەرگە قاتىستى بولدى.
ولاردىڭ كيىمىندە ەشقانداي ەرەكشە بەلگىلەر بولماعان، سول سەبەپتى ولارعا «جاسىل ادامدار» جانە «ولار ول جاقتا جوق» تەرميندەرى قولدانىلدى، بىراق «سىپايى ادامدار» تىركەسى پروپاگانداشىلار اراسىندا دا، حالىق اراسىنا دا ءسىڭىپ كەتتى.
