قازاقستاننىڭ ۇلتتىق وليمپيادالىق كوميتەتى 1 تامىز كۇنى وتكەن 63,5 كەلىگە دەيىنگى سالماقتا مۇحاممەدسابىر بازاربايۇلى مەن گرۋزيالىق لاشا گۋرۋلي اراسىنداعى جەكپە-جەكتىڭ ناتيجەسىن انىقتاۋدى تالاپ ەتىپ، PBU-عا (Paris Boxing Unit) رەسمي تۇردە اپەللياتسيالىق شاعىم ءتۇسىردى. بۇل تۋرالى قازاقستان رەسپۋبليكاسى ۇوك ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«قازاقستاننىڭ ۇوك مۇحاممەدسابىر بازاربايۇلىنىڭ جەكپە-جەگىنىڭ ناتيجەسىنە اپەللياتسيالىق شاعىم ءتۇسىردى. ءبىز ناتيجەمەن كەلىسپەيمىز جانە حوك-قا حابارلاي وتىرىپ، PBU-دان تۇسىنىكتەمە تالاپ ەتتىك. ءبىزدىڭ ويىمىزشا، قازاقستاندىق بوكسشى 2024 جىلعى وليمپيادا ويىندارىنىڭ جارتىلاي فينالىنا شىعۋ ءۇشىن ماڭىزدى جەكپە-جەكتە جەڭىسكە جەتتى.
وتكەن ماتچتىڭ ناتيجەسىنە شولۋ جاساۋ مۇمكىن ەمەس ەكەنىن تۇسىنەمىز. دەگەنمەن، ەڭ ماڭىزدى حالىقارالىق جارىسقا تورەلىك ەتۋ قالعان سپورتشىلار ءۇشىن ءادىل جانە بەيتاراپ بولۋىن تالاپ ەتەمىز»، - دەپ ءتۇسىندىردى قر ۇوك باس حاتشىسى جانار وتەشەۆا.
ەسكە سالساق، بۇعان دەيىن قر ۇوك قازاق بوكسشىلارىنىڭ جەكپە-جەكتەرىندەگى جەكە تورەشىلەر سانىنا قاتىستى پبۇ-عا تۇسىنىكتەمە بەرگەن. ول قاراۋعا قابىلدانىپ، تەرگەۋ باستالدى.
