27 ماۋسىمدا جوعالىپ كەتكەن ورال قالاسىنىڭ تۇرعىنى جەتكەرگەن جامبىلوۆتىڭ ءولى دەنەسى تابىلدى. پوليتسەيلەردىڭ مالىمەتىنشە، 21 جاستاعى جىگىتتى ءباز بىرەۋلەر ءولتىرىپ كەتكەن، - دەپ حابارلايدى “ادىرنا” ۇلتتىق پورتالى "موي گورود" باسىلىمىنا سىلتەمە جاساپ.
ايتۋلارىنشا، جاس جىگىت «سترويتەل» شاعىن اۋدانىنداعى ۇيىنەن شىعىپ كەتىپ، ءىز-ءتۇسسىز جوعالعان. جىگىتتىڭ تۋىستارى پوليتسياعا ارىز تۇسىرگەن. ءتارتىپ ساقشىلارى ىزدەۋ جۇمىستارىن باستادى، بىراق جەتكەرگەندى تىرىدەي تابا المادى.
«ادام ءولتىردى» دەگەن كۇدىكپەن بايتەرەك اۋدانىنىڭ تۇرعىنى ۇستالدى، قازىر تەرگەۋ امالدارى جۇرگىزىلۋدە.
