پاۆلودار وبلىسىندا ءسابيلى بولعان 12 جاستاعى وقۋشى قىز وقۋىن مەكتەپتە جالعاستىراتىنى ايتىلدى. بۇل تۋرالى ءبىلىم مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتورايىمى ءناسىمجان وسپانوۆا ايتتى، - دەپ حابارلايدى “ادىرنا” ۇلتتىق پورتالى.
ورتالىق كوممۋنيكاتسيالار قىزمەتىندەگى بريفينگتە جۋرناليستەردىڭ سۇراقتارىنا جاۋاپ بەرگەن وسپانوۆا كامەلەتكە تولماعان كۇدىكتىنىڭ پسيحياتريالىق اۋرۋحانادا جاتقانىن ايتتى.
«پاۆلوداردا بولعا اتالمىش جايت وتە سيرەك كەزدەسەدى، بۇل جاعدايدى مەكتەپ مۇعالىمدەرى بايقاپ، وعان پسيحولوگيالىق، مەديتسينالىق كومەك قاجەتىن ايتىپ دابىل قاقتى. زورلاۋ فاكتىسى ۇيدە، جاقىن تۋىسىنىڭ تاراپىنان بولعان. سونىمەن قاتار كۇدىكتىنىڭ كامەلەتكە تولماعانى بەلگىلى بولدى. جاعداي 2023 جىلدىڭ قازان ايىندا ورىن العان. كامەلەتكە تولماعان ادام پسيحياتريالىق اۋرۋحانادا جاتىر، بۇل ءىس بالالاردىڭ قۇقىقتارىن قورعاۋ كوميتەتىنىڭ باقىلاۋىندا” دەپ تۇسىنىكتەمە بەردى وسپانوۆا.
وسپانوۆا 12 جاسار قىزدىڭ ءوزى دە مەكتەپتە وقۋىن جالعاستىراتىنىن ايتتى.
«پسيحولوگيالىق-پەداگوگيكالىق كومەك كورسەتىلەدى. سونىڭ ىشىندە بالالاردىڭ ءبىلىم الۋ قۇقىعى كونستيتۋتسيامەن قورعالادى»، - دەپ تۇيىندەدى كوميتەت توراعاسى.
ەسكە سالا كەتەيىك، بۇعان دەيىن پاۆلودار وبلىسىندا 12 جاستاعى وقۋشى قىز زورلىق قۇربانى بولىپ، جۇكتى بولىپ قالعانىن جازعان ەدىك.
