الماتىداعى باراحولكادا تاعى دا ءورت بولدى. توتەنشە جاعدايلار مينيسترلىگى بازارداعى ءورتتىڭ تولىق سوندىرىلگەنىن مالىمدەدى، دەپ حابارلايدى “ادىرنا” ۇلتتىق پورتالى.
ءورت شىققانى تۋرالى حابار ساعات 12:00 تۇسكەن. الماتى قالاسى توتەنشە جاعدايلار دەپارتامەنتىنىڭ بولىمشەلەرى وقيعا ورنىنا كەلگەن كەزدە "كەنجەحان-2" كيىم-كەشەك بازارىنىڭ اۋماعىنداعى كونتەينەرلىك ۇلگىدەگى قويمادان ءورت شىققانى انىقتالدى.
توتەنشە جاعدايلاردى جەدەل جويۋ جۇمىستارىنا توتەنشە جاعدايلار مينيسترلىگىنىڭ الماتى قالاسى بويىنشا بولىمشەلەرىنىڭ جەكە قۇرامى مەن تەحنيكاسى جۇمىلدىرىلعان.
توتەنشە جاعدايلار مينيسترلىگى ءورتتىڭ سوندىرىلگەنىن حابارلادى.
“ساعات 12:52-دە ءورت سوندىرۋشىلەردىڭ جەدەل ارەكەتىنىڭ ارقاسىندا ءورت اۋىزدىقتالدى. قۇرباندار مەن زارداپ شەككەندەر جوق. ءسوندىرۋ جۇمىستارى جالعاسۋدا”، – دەلىنگەن حابارلامادا.
