اتىراۋ وبلىسىندا ەكى بالا سۋعا باتىپ كەتتى، دەپ حابارلايدى "ادىرنا" ۇلتتىق پورتالى.
كامەلەتكە تولماعان بالالاردىڭ ءبىرىنىڭ دەنەسى 4,5 مەتر تەرەڭدىكتەن تابىلدى. ەكىنشىسىن ىزدەۋ جۇمىستارى ءالى جالعاسۋدا.
اتىراۋ وبلىسىنىڭ كوكارنا اۋىلىندا 20 شىلدە كۇنى 2010 جانە 2011 جىلى تۋعان ەكى ءجاسوسپىرىم جايىق وزەنىنە باتىپ كەتكەن.
قۇتقارۋشىلار سول كۇنى-اق ساعات 19:30-دا 4,5 مەتر تەرەڭدىكتەن 14 جاستاعى ءجاسوسپىرىمنىڭ دەنەسىن سۋ بەتىنە شىعاردى. ەكىنشى بالانىڭ دەنەسىن ىزدەستىرۋ جۇمىستارىنا تجد 15 جەكە قۇرام، 5 ءجۇزۋ قۇرالى جۇمىلدىرىلدى.
ودان بولەك، تجد ازاماتتاردىڭ قاۋىپسىزدىگى ءۇشىن بيىل اتىراۋ وبلىسىندا سۋعا ءتۇسۋ ماۋسىمى رەسمي تۇردە اشىلماعانىن مالىمدەدى.
