بيىل استانادا كەزەكتى شانحاي ىنتىماقتاستىق ۇيىمىنىڭ (شىۇ-شوس) ءسامميتى ءوتتى. ۇيىم سوناۋ 90-شى جىلدارى قۇرىلدى.
سامميت كەڭەيتىلگەن فورماتىندا ءوتىپ، وعان مۇشە ەلدەرمەن قاتار، باقىلاۋشى ەلدەر قاتىستى، بەلارۋس ەلىن قابىلدادى، ول 10 مۇشە بولىپ رەسمي قابىلداندى. سونداي-اق بىرىككەن ۇلتتار ۇيىمىنىڭ باس حاتشىسى انتونيۋ گۋتتەريش استاناعا كەلدى. ناتيجەسىندە 25 قۇجاتقا قول قويىلدى. بۇل تاقىرىپتى ساياساتتانۋشى، ساراپشىلار - قازبەك مايگەلدينوۆ جانە پەردەحان شامشيەۆ “ادىرنا” ۇلتتىق پورتالىنىڭ YouTube ارناسىندا تالقىلادى.
سۇحبات بارىسىندا ساياساتتانۋشىلار قازىبەك مايگەلدينوۆ پەن پەردەحان شامشيەۆ استانادا وتكەن شانحاي ىنتىماقتاستىعى ۇيىمى (شىۇ) ءسامميتىن تالداي وتىرىپ، ەلدەر اراسىنداعى ىقپالداستىق جانە ىنتىماقتاستىق جايىندا تالقىلايدى.
دەرجاۆالار اراسىنداعى بايلانىس، ايماقتىق ۇيىمدارداعى ساياسي ەرەكشەلىك، وعان مۇشە ۇيىمداردىڭ ۇلتتىق بىرەگەيلىگى – ءسوز وسى جايىندا. شىۇ-نىڭ سوڭعى جيىنى جانە وسى ۇيىمعا مۇشە قىتاي جانە رەسەيمەن قاتىناستىڭ ەرەكشەلىگى، تۇركى وداعى يدەياسى، ورتالىق ازيا ەلدەرىنىڭ ءوزارا قاتىناسى قانداي بولۋى كەرەك، قالاي بولىپ جاتىر، ونىڭ سەبەبى نە دەگەن سۇراقتارعا وسى سۇحباتتا جاۋاپ بەرىلگەن. ساراپشىلاردىڭ ءبىرى وداقتاسۋ ءۇشىن دەموكراتيالاندىرۋدى اياقتاۋ كەرەگىن ايتسا، ەندى ءبىرى باتىسپەن بايلانىسقا بارىنشا اباي بولۋ كەرەگىن ايتادى.
