قىتايدىڭ چجۋچجوۋ قالاسىندا Baidu كومپانياسىنا تيەسىلى اۆتونومدى تاكسي جاياۋ جۇرگىنشىلەر وتكەلىندە ەكى ادامدى قاعىپ كەتتى، دەپ حابارلايدى «ادىرنا» ءتىلشىسى ferra.ru-عا سىلتەمە جاساپ.
الەۋمەتتىك جەلىلەردە جاريالانعان ۆيدەولاردا ءبىر ايەلدىڭ كولىكتىڭ استىندا قالىپ قويعانى، ال ەكىنشى زارداپ شەگۋشىنىڭ جولدا جانىندا جاتقانىن كورۋگە بولادى. كۋاگەرلەر كولىكتىڭ استىندا قىسىلىپ قالعان ادامعا كومەكتەسۋ ءۇشىن روبوتاكسيدى كوتەرۋگە تىرىسقان. ەكى جاياۋ جۇرگىنشى دە جەدەل تۇردە جانساقتاۋ بولىمىنە جەتكىزىلگەن.
الدىن الا مالىمەتتەر بويىنشا، اپاتقا Baidu مەن JMC بىرلەسىپ جاساعان Apollo RT6 مودەلى قاتىسقان. 2025 جىلدىڭ جازىندا Alibaba-عا تيەسىلى Hello كومپانياسى قوعامدىق جولداردا روبوتاكسيدى سىناقتان وتكىزۋگە رۇقسات العان ەدى. وسىدان كەيىن چجۋچجوۋ كوشەلەرىنە 30-عا جۋىق پيلوتسىز كولىك شىعارىلعان. قىزمەتتىڭ تولىققاندى كوممەرتسيالىق ىسكە قوسىلۋى كەلەسى جىلى جوسپارلانىپ وتىر.
ايتا كەتەيىك، وقىس وقيعادان كەيىن Hello كومپانياسى چجۋچجوۋداعى روبوتاكسي جۇمىسىنىڭ ۋاقىتشا توقتاتىلعانىن جانە تەرگەۋگە تولىقتاي كومەكتەسىپ جاتقانىن حابارلاعان.
